نے میری سُنّت سے محبّت کی اس نے مجھ سے محبّت کی اور جس نے مجھ سے محبّت کی وہ جنّت میں میرے ساتھ ہو گا۔^([1])

سینہ تیری سُنّت کا مدینہ بنے آقا!                                                 جنت میں پڑوسی مجھے تم اپنا بنانا

آخری عشرے کا اعتکاف سنّت ہے

2فرامینِ مصطفےٰ  صَلَّی اللہُ عَلَیْہِ وَ آلِہٖ وَسَلَّم : (1):جس نے ایمان کے ساتھ اور ثواب حاصِل کرنے کی نیت سے اعتکاف کیا اس کے پچھلے گناہ بخش دئیے جائیں گے۔^([2]) (2): جس نے رمضان  شریف میں 10 دِن کا اعتکاف کر لیا وہ ایسا ہے جیسے 2 حج اور 2 عمرے کئے۔^([3])

اے عاشقانِ رسول!  رمضان شریف کے آخری عشرے کا اعتکاف کرنا سنّت(مُؤَکَّدہ عَلَی الْکِفَایہ  ) ہے*نبی پاک  صَلَّی اللہُ عَلَیْہِ وَ آلِہٖ وَسَلَّم  آخری عشرے کے اعتکاف کا بہت اہتمام فرماتے تھے۔^([4])*رمضان شریف  میں اِعتکاف کرنے کا سب سے بڑا مقصد شبِ قَدْر کی تلاش ہے، حدیث پاک میں ہے:مجھے اللہ پاک کی طرف سے یہ خبر دی گئی کہ شبِ قدر آخری عشرے میں ہے۔ لہٰذا جوشخص میرے ساتھ اعتکاف کرنا چاہے وہ آخری عشرے کا اعتکاف کرے^([5])*علما فرماتے ہیں:اعتکاف کرنے والے کی کی مثال اس شخص کی سی ہے جو اللہ پاک کے در پر آپڑا ہو اور یہ کہہ رہا ہو:یا اللہ پاک !جب تک تو میر ی مغفرت نہیں فرمادے گا میں یہاں سے نہیں جاوں گا۔^([6])