Book Name:Yateemon Ke Huqooq
میرے اور آپ کے آقا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَسَلَّم نے فرمایا:
مَنْ مَّسَحَ عَلَى رَاْسِ يَتِيمٍ رَّحْمَةً كَتَبَ اللَّهُ لَهُ بِكُلِّ شَعْرَةٍ مَّرَّتْ عَلَيْهَا يَدُهُ حَسَنَةً، وَمَحَا عَنْهُ بِكُلِّ شَعْرَةٍ سَيِّئَةً، وَرَفَعَ لَهُ بِكُلِّ شَعْرَةٍ دَرَجَةً
جس نے پیار سے یتیم کے سر پر ہاتھ رکھا، وہ بال جن پر اُس کا ہاتھ گزرا، ہر ہر بال کے بدلے اس کے لیے ایک نیکی لکھی جائے گی، ہر بال کے بدلے ایک گُنَاہ مٹایا جائے گا اور ہر بال کے بدلے ایک درجہ بلند کیا جائے گا۔([1])
اِس حدیثِ پاک کے تحت حکیمُ الاُمَّت، مفتی اَحمد یار خان نعیمی رحمۃُ اللہِ علیہ فرماتے ہیں:جوشخص اپنے عزیز یا اَجنبی یتیم کے سر پر محبّت و شفقت کا ہاتھ پھیرے، یہ محبّت صرف اللہ پاک و رسول ( صَلَّی اللہُ عَلَیْہِ وَ آلِہٖ وَسَلَّم ) کی رضا کے لیے ہو تو ہر بال کے بدلے اسے نیکی ملے گی۔ یہ ثواب تو خالی ہاتھ پھیرنے کا ہے *جو اس پر مال خرچ کرے *اس کی خدمت کرے *اسے تعلیم و تربیت دے سوچ لو کہ اس کا ثواب کتنا ہو گا۔([2])
یتیم کے سر پر ہاتھ پھیرنے کا طریقہ
جب بھی کسی یتیم بچے کے سر پر ہاتھ پھیرنا ہو تو سر کے پیچھے سے ہاتھ پھیرتے ہوئے آگے کی طرف لے آئیے جیسا کہ حدیثِ پاک میں ہے:لڑکا یتیم ہو تو اس کے سر پر ہاتھ پھیرنے میں آگے کو لائے اور جب اس کا باپ ہو (یعنی بچہ یتیم نہ ہو)تو ہاتھ پھیرنے میں