(1):بیوہ و مسکین کے لیے محنت کرنے والا

صحابئ رسول حضرت اَبُو ہُریرہ  رَضِیَ اللہُ عنہ سے روایت ہے، رسولِ ذیشان، مکی مَدَنی سلطان  صَلَّی اللہُ عَلَیْہِ وَ آلِہٖ وَسَلَّم  نے فرمایا:

اَلسَّاعِي عَلَى الْاَرْمَلَةِ وَالْمِسْكِينِ، كَالْمُجَاهِدِ فِيْ سَبِيْلِ اللَّهِ، اَوْ كَالَّذِي يَصُومُ النَّهَارَ وَيَقُومُ اللَّيْلَ

ترجمہ: بیوہ اور مسکین کے لیے دوڑ دُھوپ کرنے والا (مثلاً اِن کی مدد کے لیے کوشش کرنے والا) *راہِ خُدا میں لڑنے والا *یا دِن کو روزہ  رکھنے *اور رات بھر عِبَادت کرنے والے کی طرح ہے۔^([1])

سُبْحٰنَ اللہ! موازنہ دیکھئے کتنا خوبصُورت ہے...!! ایک طرف ہے راہ خُدا میں لڑنے والا، سارا دِن روزہ رکھنے والا، رات بھر عبادتیں کرنے والا، دوسری طرف وہ شخص جو مسکینوں، یتیموں کے لیے کوشش کرتا ہے، مثلاً *گلی میں کوئی یتیم بچہ ہے، اُس کی تعلیم کا خرچ اُٹھالیتا ہے، اُسے خُود سکول چھوڑنے جاتا ہے، لے کر آتا ہے *یتیم، مسکین کی خبر رکھتا ہے، اس کے کھانے، پینے  اور دوا وغیرہ کا خیال کرتا ہے، اُس کی مدد کے لیے کوششوں میں لگا رہتا ہے، فرمایا: اُس یتیم و مسکین کے لیے کوشش کرنے والے کا درجہ ایسا ہی ہے جیسا راہِ خُدا میں لڑنے والے، دِن بھر روزہ رکھنے والے اور رات بھر عبادت کرنے والے کا ہے۔

آج کے دور میں ہم جیسے عوامی لوگوں کے لیے تو یہ ایک غنیمت ہے، اب فوج کا محکمہ الگ ہے، دُشمن سے لڑائی وغیرہ انہی کے ذِمَّے ہے، ہم جیسے عام لوگوں کو راہِ خُدا میں لڑنا