دُعائے معروف  کرخی کی برکات

حضرت خواجہ سَری سَقَطِی  رحمۃُ اللہِ علیہ  بہت بڑے ولئ کامِل ہیں،آپ فرماتے ہیں: ایک مرتبہ عِیْد کا دِن تھا، میں نَمازِ عید پڑھ کر واپس لوٹ رہا تھا تو میں نے اپنے وقت کے مشہور ولئ کامِل حضرت مَعْرُوف کرخی  رحمۃُ اللہِ علیہ  کو دیکھا،آپ کے ساتھ ایک بچہ بھی تھا،اس کے بال بکھرے ہوئے تھے اور مسلسل روئے جا رہا تھا۔میں آگے بڑھا،ولئ کامِل کی خدمت میں سلام عرض کیا اور پوچھا:یاسَیِّدِی!کیا ہوا؟یہ بچہ کیوں رو رہا ہے؟فرمایا:یہ ایک یتیم بچہ ہے،اس کے والِد کا انتقال ہو گیا،اس کا کوئی سہارا نہیں، ایک جگہ چند بچے مل کر اَخْروٹ کے ساتھ کھیل رہے تھے مگر اس کے پاس رقم نہیں ہے، لہٰذا یہ اَخْروٹ نہیں خرید سکتا، اس لیے یہ ایک طرف کھڑا رو رہا تھا، اس لیے میں اسے اپنے ساتھ لے آیا۔

حضرت سَری سَقَطِی  رحمۃُ اللہِ علیہ  فرماتے ہیں:میں نے عرض کیا:عالی جاہ!یہ بچہ میرے حوالے کر دیجئے!میں اس کی دیکھ بھال کرتا ہوں۔ حضرت مَعْرُوف کرخی  رحمۃُ اللہِ علیہ  نے وہ بچہ میرے حوالے کیا اور ساتھ ہی دُعا دیتے ہوئے فرمایا:چلو!اسے پکڑ لو!اللہ پاک اس نیک کام کی بَرَکت سے تمہارا دِل ایمان سے بھر دے اور تمہیں اپنے راستے کی ظاہِری و باطنی پہچان نصیب فرمائے۔

فرماتے ہیں:میں اس بچے کو لے کر بازار گیا،اسے نئے کپڑے دِلوائے،اسے اَخْروٹ بھی خرید کر دئیے،اس نے عِیْد کا دِن خوشی خوشی دوسرے بچوں کے ساتھ کھیلتے ہوئے گزارا، جب وہ میرے پاس لوٹ کر آیا تو بہت خوش تھا،میں نے پوچھا: بتاؤ! عِیْد کا دِن کیسا گزرا؟ بچے نے خوشی سے کہا:آپ نے میرے ٹوٹے ہوئے دِل کو جوڑا، اللہ پاک آپ کے لیے اپنی مَعْرفت (یعنی پہچان) کا راستہ آسان فرما دے۔حضرت سَری سَقَطِی  رحمۃُ اللہِ علیہ  فرماتے ہیں: