آپ کے قدم چُومنے کے لائق ہو سکا ہے۔

کاش! *ہمیں اِس شہرِ پاک کی زِیارت نصیب ہو *ہم بار بار مکّے جائیں *مدینے جائیں * مکّہ پاک میں سانسیں لینا *یہاں عِبَادت کرنا *تلاوت کرنا *نمازیں پڑھنا *کعبہ شریف کو دیکھنا *طواف کرنا *منیٰ و عرفات کا قیام کرنا نصیب ہو جائے۔ آمِیْن بِجَاہِ خَاتَمِ النَّبِیّٖن  صلّی اللہ ُ عَلَیْہِ وَ آلِہٖ وَسَلَّم ۔

یاربّ! پھر اَوْج پر یہ ہمارا نصیب ہو                                      سُوئے مدینہ پھر ہمیں جانا نصیب ہو

مکّہ بھی ہو نصیب، مدینہ نصیب ہو                                                     دشتِ عرب نصیب ہو، صحرا نصیب ہو

حج کا سَفَر پھر اے مِرے مولیٰ! نصیب ہو           عرفات کا، مِنٰی کا نظارہ نصیب ہو

کعبے کے جلووں سے دِلِ مُضْطَر ہو کاش! شاد لطفِ طوافِ خانۂ کعبہ نصیب ہو

کس طرح شوق سے وہاں کرتے تھے ہم طواف     پھر گِردِ کعبہ جھوم کے پھرنا نصیب ہو

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

حج کرنے کے فضائل پر 3احادیثِ مبارکہ

 (1):حضرت اَبُو ہریرہ  رَضِیَ اللہُ عنہ  سےروایت ہے،اللہ کے آخری نبی، رسولِ ہاشمی  صلّی اللہ ُ عَلَیْہِ وَ آلِہٖ وَسَلَّم  نے فرمایا: جو بندہ کعبہ شریف کا حج کرے، اِس دوران نہ فُحْش باتیں کرے،نہ ہی گُناہ کاکام کرے تو رَجَعَ كَیَوْمٍ وَلَدَتْهُ اُمُّهٗ وہ ایسے لوٹ جائے گا، جیسے آج ہی اُس کی ماں نے اُسے جنا ہے۔^([1]) (2): بخاری شریف کی حدیث پاک میں ہے:اَلْعُمْرَةُ اِلَى الْعُمْرَةِ كَفَّارَةٌ لِّمَا بَيْنَهُمَا ایک عمرہ دوسرے عمرے تک درمیان کے گناہوں کا کفارہ ہے