عرض کیا: یااللہ پاک!جو تیرے گھر(یعنی کعبہ شریف) کی زِیارت کے لیےآئیں، اُن بندوں کے لیےکیا اجر ہے؟اللہ پاک نے فرمایا:اے داؤد! بے شک جو میرے کعبہ کا حج کریں، میرے ذِمۂ کرم پر ہے کہ میں ان کو دنیا میں معاف کر دوں اور (قیامت کے دِن ) جب وہ مجھ سے ملیں تو میں اُن کی بخشش فرما دوں ۔^([1])

اللہ کے رسول، رسول ِمَقْبول  صلّی اللہ ُ عَلَیْہِ وَ آلِہٖ وَسَلَّم  نے فرمایا: جب عَرَفہ کا دِن ہوتا ہے، اللہ پاک فرشتوں کے سامنے فخر فرماتا ہے، اِرشاد ہوتاہے: اے فرشتو! میرے بندوں کو دیکھو!وہ پرا گندا حال، بکھرے بالوں کے ساتھ دُور دُور سے آئے ہیں، میں تمہیں گواہ بناتا ہوں بے شک میں نے ان کو بخش دیا۔فرشتے عَرْض کرتے ہیں: اے اللہ پاک! اِن میں گناہ گار بھی ہیں تو اللہ پاک فرماتا ہے: بے شک میں نے اُن کو بھی بخش دیا۔^([2])

یَا اَللہُ! یَا رَحْمٰنُ!                                                                                                                                           یَا حَنَّانُ! یَا مَنَّانُ!

بخش دے بخشے ہوؤں کا صدقہ                                                                    یَااَللہ!        مِری       جھولی    بھر    دے^([3])

حج کے شوقین کا کام بن گیا

امام اِبن جوزی  رحمۃُ اللہِ علیہ  فرماتے ہیں: ایک عاشقِ رسول تھا، اُسے حج پہ جانے کا بڑا شوق تھا، 3 سال تک مسلسل وہ حج کے لیےدعائیں کرتا رہا ،گِڑگِڑا کر رَبّ کی بارگاہ میں عرض کرتا رہا :

بڑا حج پہ آنے کو جی چاہتا ہے                                                              بُلاوا اب آئیگا کب یا الٰہی!