Book Name:Madiny Hazri Ka Shoq
وضاحت: مطلب یہ ہے کہ آقا و مولا مکی مَدَنی مُصطفےٰ صلّی اللہ ُ عَلَیْہِ وَ آلِہٖ وَسَلَّم روزِ قیامت میدانِ مَحْشَر میں جب لوگوں کی شَفاعت فرما رہے ہوں گے تو آپ کی شفاعت فرمانے کا اَنداز، اُس کا لطف اور اُس کا ذَوْق ایسا نرالا ہوگا کہ وہ لوگ جو بخشے بخشائے ہیں، جنہوں نے گُناہ نہیں کئے ہوں گے، جو بغیر حساب کے جنّت میں داخلے کے حق دار ہوں گے، جو پرہیزگارہوں گے، وہ اِس ذَوْق اَفْزا شَفاعت کو دیکھ کر حَسْرت کریں گے کہ کاش! ہمارے پلّے میں بھی گناہ آ جائیں اور ہمیں بھی شَفاعتِ مصطفےٰ نصیب ہو جائے۔
اللہ پاک ہمیں شَوقِ مدینہ نصیب فرمائے، بار بار مدینۂ پاک حاضِری کی سَعَادت بخشے، کاش! ہم مدینے جائیں، پِھر آئیں، پِھر جائیں، پِھر آئیں، یُونہی آنا جانا لگا رہے، آخر بقیعِ پاک میں دَفن کی جگہ نصیب ہو جائے۔
مدینے جائیں، پھر آئیں، دوبارہ پھر جائیں اِسی میں عمر گزر جائے یاخدا! یاربّ!
مِرا ہو گنبدِ خَضرا کی ٹھنڈی چھاؤں میں رسولِ پاک کے قدموں میں خاتِمہ یاربّ!
بقیعِ پاک میں عطّاؔر دَفن ہو جائے برائے غوث و رضا از پئے ضِیا یاربّ!([1])
آمِیْن بِجَاہِ خَاتَمِ النَّبِیّٖن صلّی اللہ ُ عَلَیْہِ وَ آلِہٖ وَسَلَّم ۔
صَلُّوا عَلَی الْحَبیب! صَلَّی اللّٰہُ عَلٰی مُحَمَّد
قربانی کلیکشن موبائل ایپلی کیشن
پیارے اسلامی بھائیو! علم دین کا فیضان عام کرنے کے لئے دعوتِ اسلامی کے I.T ڈیپارٹمنٹ نے ایک موبائِل ایپلی کیشن جاری کی ہے، جس کا نام ہے: قربانی کلیکشن