وفکر کریں ، چنانچہ

پارہ 20 سورۃ القصص کی آیت نمبر 83 میں ارشاد ہوتاہے ۔

تِلْكَ الدَّارُ الْاٰخِرَةُ نَجْعَلُهَا لِلَّذِیْنَ لَا یُرِیْدُوْنَ عُلُوًّا فِی الْاَرْضِ وَ لَا فَسَادًاؕ-   (پ۲۰ ، القصص : ۸۳)                                     

ترجمۂ کنز  العرفان : یہ آخرت کا گھر ہم ان کے لئے بناتے ہیں جو زمین میں تکبر اور فساد نہیں چاہتے ۔

اس آیتِ مبارَکہ میں ارادہ ٔشہرت اور ارادۂ فساد کو ذکر کرکے یہ بیان کیا گیا کہ آخرت اسی کے لئے ہے جو ان دونوں ارادوں سے خالی ہو۔

پارہ 12 سورہ ھود کی آیت نمبر 15 ، 16 میں ارشاد ہوتاہے :

مَنْ كَانَ یُرِیْدُ الْحَیٰوةَ الدُّنْیَا وَ زِیْنَتَهَا نُوَفِّ اِلَیْهِمْ اَعْمَالَهُمْ فِیْهَا وَ هُمْ فِیْهَا لَا یُبْخَسُوْنَ(۱۵) اُولٰٓىٕكَ الَّذِیْنَ لَیْسَ لَهُمْ فِی الْاٰخِرَةِ اِلَّا النَّارُ ﳲ وَ حَبِطَ مَا صَنَعُوْا فِیْهَا وَ بٰطِلٌ مَّا كَانُوْا یَعْمَلُوْنَ(۱۶)  (پ۱۲ ، هود : ۱۵ ، ۱۶)

ترجمۂ کنز العرفان : جو دنیا کی زندگی اور اس کی زینت چاہتا ہو تو ہم دنیا میں انہیں اُن کے اعمال کا پورا بدلہ دیں گے اور انہیں دنیا میں کچھ کم نہ دیا جائے گا ، یہ وہ لوگ ہیں جن کے لئے آخرت میں آگ کے سوا کچھ نہیں اور دنیا میں  جو کچھ انہوں نے کیا وہ سب برباد ہوگیا اور ان کے اعمال باطل ہیں۔

یہ آیت بھی اپنے عموم کے ساتھ طَلَبِ شُہرت کو شامل ہے کیونکہ شہرت کی چاہت دنیوی زندگی کی لذتوں  اور زینتوں میں سے ایک بہت بڑی لذت اور زینت ہے۔ (احیاء العلوم ج ۳)

ایک اور مقام پر ارشادہوتاہے :

مَنْ كَانَ یُرِیْدُ حَرْثَ الْاٰخِرَةِ نَزِدْ لَهٗ فِیْ حَرْثِهٖۚ-وَ مَنْ كَانَ یُرِیْدُ حَرْثَ الدُّنْیَا نُؤْتِهٖ مِنْهَا وَ مَا لَهٗ فِی الْاٰخِرَةِ مِنْ نَّصِیْبٍ(۲۰)  (پ : ۲۵ ، الشوری : ۲۰)                                                                

تَرْجَمَۂ کنز العرفان : جوآخرت کی کھیتی چاہتاہے تو  ہم اس کے لئے اس کی کھیتی میں اضافہ کر دیتے ہیں  اور جو دنیا کی کھیتی چاہتاہے توہم اسے اس میں سے کچھ دیدیتے ہیں اور آخرت میں اس کا کچھ حصّہ نہیں