Book Name:Asmani Kitab Aur Hazrat Umar
وضاحت: گهر بڻائڻو هو، قيد خانو ٺهي ويو، اسان ٺاهي ڇا رهيا هئاسين؟ ۽ ٺهي ڇا ويو؟ مطلب هي ته اسان ابتي رستي جا مسافر ٿي وياسين، ٿيڻ ته ايئن گهرجي ها ته اسان ٻين جي لاءِ زندگي جو نمونو بڻجون ها، اسان جي سبب اسلام کي ترقي ملي ها پر ابتڙ ٿي ويو، ماڻهو اسان جي ڪري اسلام کان نفرت ڪرڻ لڳا.
اي عاشقانِ رسول! اسان مسلمانن جي ٻئين خليفي حضرت عمر فاروقِ اعظم رَضِىَ اللهُ عَنْه جن جو ذڪرِ خير ٻڌو، پاڻ سڄي زندگي اسلام جي سربلنديءَ جي لاءِ گذاري ڇڏي، اچو! اسان به دل مان دنيا جي محبت ڪڍون مال ۽ دولت جي لالچ کان پُٺ ڇڏرايون ذاتي جهيڙا جهڳڙا ختم ڪري هڪ ٿي وڃون ٻڌي ۽ اتّفاق سان سڀئي عاشقانِ رسول ملي ڪري دين جي خدمت ڪريون اسان پنهنجو ڪردار دين جي مطابق بڻايون پنهنجا ڪم دين ۽ شريعت جي مطابق ڪريون پنهنجي چال چلت بدليون پنهنجي طرزِ زندگي اسلامي اصولن جي مطابق بڻايون اچو! سنّتن جي هلندڙ ڦرندڙ تصوير بڻجون مٿي تي عمامو چهري تي ڏاڙهي زبان تي سچائي، ڪردار ۾ ايمانداري همدردي رحم دلي عدل ۽ انصاف دل ۾ الله ۽ رسول جي محبت ربّ جي رضا ۽ اخلاص هجي، ايئن اسان پاڪيزه زندگي گذاريون، پاڻ به نيڪ بڻجون ۽ ٻين جي ترغيب جو سامان پڻ بڻجون.
عمل کا ہو جذبہ عطا یاالٰہی! گُناہوں سے مجھ کو بچا یاالٰہی!
لباس اپنا سنّت سے آراستہ ہو عِمامہ ہو سر پر سجا یاالٰہی!
سبھی رُخ پہ اک مُشت داڑھی سجائیں بنیں عاشقِ مصطَفےٰ یاالٰہی!
ہو اَخلاق اچّھا ہو کردار سُتھرا مُجھے متّقی تُو بنا یاالٰہی! ([1])