کھڑے ہوں تا کہ دروازہ کھلتے ہی گھر کے اندر نظر نہ پڑے *  کسی کے گھر جائیں تو وہاں کے انتِظامات پر بے جا تنقید نہ کیجئے اس سے اُس کی دل آزاری ہو سکتی ہے * واپَسی پر اَہلِ خانہ کے حق میں دُعا بھی کیجئے اور شکریہ بھی اَدا کیجئے اور سلام بھی اور ہو سکے تو کوئی سُنَّتوں بھرا رِسالہ وغیرہ بھی تُحفۃً پیش کیجئے۔

صَلُّوْا عَلَی الْحَبِیْب !                                                     صَلَّی اللہ عَلٰی مُحَمَّد

 * صبر کی دُعا

دعوتِ اسلامی کے ہفتہ وار سُنّتوں بھرے اجتماع کے شیڈول کےمطابِق ”  صبر کی دعا “ یادکروائی جائےگی۔وہ دُعایہ ہے :

اَللّٰھُمَّ رَبَّنَا اَفْرِغْ عَلَیْنَا صَبْرًا وَ تَوَفَّنَا مُسْلِمِیْن ۔   ( الاعراف : ۱۲۶ ، پ۸ )

ترجمہ کنز العرفان : اے ہمارے رب !  ہم پر صبر اُنڈیل دے اور ہمیں حالتِ اسلام میں موت عطا فرما۔  ( فیضانِ دعا ، ص ۲۵۳ )

صَلُّوْا عَلَی الْحَبِیْب !                                                                                        صَلَّی اللہ عَلٰی مُحَمَّد

 * اجتماعی جائزے کا طریقہ ( 72نیک اعمال  )

فرمانِ مُصْطَفٰے صَلَّی اللہ عَلَیْہِ واٰلہٖ وَسَلَّمَ  :  ( آخرت کے معاملے میں ) گھڑی بھر غور و فکر کرنا 60 سال کی عبادت سے بہتر ہے۔ ( جامع صغیرللسیوطی ، ص۳۶۵ ، حدیث : ۵۸۹۷ )

                   آئیے ! نیک اعمال کا رسالہ پُر کرنے سے پہلے  ” اچھی اچھی نیتیں “ کرلیجئے۔

 ( 1 ) رِضائے الٰہی کے لئے خود بھی نیک اعمال کے رِسالے سے اپنا جائزہ  لوں گا اور دوسروں کو بھی ترغیب دوں گا۔

 ( 2 ) جن نیک اعمال پر عمل ہوا اُن پر اللہ پاک کی حمد  ( یعنی شکر ) بجا لاؤں گا۔