اپنی تابانیوں سے بھر دیتاہے اور دیکھنے والوں کو اس سے اُنْسِیَت حاصل ہوتی ہے اور بغیر کسی تکلیف کے اس پر نظریں جَمانا مُمکن ہوتا ہے جبکہ سُورج میں یہ سب مُمکن نہیں ، کیونکہ اسے دیکھنے سے آنکھیں چُندھیا جاتی ہیں ۔

 ( زرقانی علی المواہب ، المقصد الثالث  ، الفصل الاول فی کمال خلقتہ وجمال صورتہ ، ۵ / ۲۵۸ )

یادرہے ! صحابَۂ کرام عَلَیْہِمُ الرِّضْوَان  نےحُضُور صَلَّی اللہ  عَلَیْہِ واٰلِہٖ وَسَلَّمَ  کے جس حُسن وجَمال کو چاند سے تشبیہ دی ہے  ، یہ آپ  صَلَّی اللہ  عَلَیْہِ واٰلِہٖ وَسَلَّمَ کا کامل حُسن و جَمال نہیں تھا ، اگرآپ عَلَیْہِ السَّلَام  کا حُسنِ کامل لوگوں پر ظاہر ہوجاتا تو آنکھیں اسے دیکھنے کی طاقت نہ رکھتیں۔ جیساکہ علامہ زُرْقانی  ، امام قرطبی رَحْمَۃُ اللہ  عَلَیْہ سے نقل فرماتے ہیں :  ” حُضُورِاقدس صَلَّی اللہ  عَلَیْہِ واٰلِہٖ وَسَلَّمَ  کا تمام تَر حُسن و جمال ہم پر ظاہر نہیں ہوا  ، اگر آپ کا کامل حُسن ظاہرہوجاتا توہماری آنکھیں اِس جَلوۂ  زَیبا کو دیکھنے کی تاب نہ لاتیں۔ “

   ( زرقانی علی المواہب ، المقصد الثالث ، الفصل الاول فی کمال خلقتہ وجمال صورتہ ، ۵ / ۲۴۱ )

صَلُّوْا عَلَی الْحَبِیْب !                              صَلَّی اللہ  عَلٰی مُحَمَّد

حُلیہ شریف

 پیارےاسلامی بھائیو ! حُضُورجانِ عالَم صَلَّی اللہ  عَلَیْہِ واٰلِہٖ وَسَلَّمَ کے حُسن وجَمال اور اَوصاف و کمال کوبیان کرنے کا ہم ہرگز حق اَدا نہیں کرسکتے ، لیکن آپ صَلَّی اللہ  عَلَیْہِ واٰلِہٖ وَسَلَّمَ کے ذِکْرِ مُبَارَک  سے بَرَکت حاصل کرنے کے لئے  ، آپ  کے چند اَعضائے شریفہ کے تَناسُب اور حُسن و جمال کا مزید تَذکرہ سُن کر اپنے لئے رَحْمتوں اور بَرکتوں کا سامان اِکٹھا کرتے ہیں : چُنانچہ

چہرہ ٔمبارک

 حُضُورِ اقدس صَلَّی اللہ  عَلَیْہِ وَاٰلِہٖ وَسَلَّم کا چہرہ مُبارک ، جَمالِ الٰہی کا آئینہ اور اَنواروتجلیات کا