Book Name:Khareed o Farokht Ki Chand Ahtiyatein
2فرشتوں کو دیکھا ، وہ آپس میں باتیں کر رہے تھے ، ایک نے دوسرے سے کہا : یہ وہی ابراہیم بن اَدْہَم ہیں ، جنہوں نے کھجور کے مالِک کو کھجور لوٹا دی تو اللہ پاک نے انہیں دوبارہ اِن کا پہلے والا مقام عَطا فرما دیا۔ ( [1] )
اللہ پاک کی اُن پر رحمت ہو اور ان کے صدقے ہماری بےحساب مغفرت ہو۔
آمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَسَلَّم ۔
آئیے ! اللہ پاک کے حُضُور دُعا کرتے ہیں :
محبّت میں اپنی گُما یااِلٰہی ! نہ پاؤں میں اپنا پتا یااِلٰہی !
مرے دِل سے دُنیا کی چاہت مٹا کر کر اُلفت میں اپنی فنا یااِلٰہی !
تُو اپنی وِلایت کی خیرات دیدے مرے غوث کا واسِطہ یااِلٰہی !
بنا دے مجھے نیک نیکوں کا صَدْقہ گُنَاہوں سے ہر دَم بچا یااِلٰہی ! ( [2] )
صَلُّوْا عَلَی الْحَبِیْب ! صَلَّی اللہ عَلٰی مُحَمَّد
اَوْلیائے کرام پر اللہ پاک کی خاص کرم نوازی
پیارے اسلامی بھائیو ! اَوْلیائے کرام کی بھی نِرالی شانیں ہیں... ! ! یہ بلند رُتبہ حضرات گُنَاہوں سے معصوم نہیں ہوتے البتہ محفوظ ہوتے ہیں ، مَعْصُوم صِرْف انبیائے کرام علیہمُ السَّلام اور فرشتے ہیں ، اَوْلیائے کرام معصُوم نہیں ، ان سے بھی گُنَاہ ہو سکتے ہیں مگر اللہ پاک کی اپنے محبوب بندوں پر خاص کرم نوازی ہوتی ہے ، ان سے اگر جانے انجانے میں کبھی کوئی خطا ہو ہی جائے تو انہیں ان کی خطا ( Mistake ) سے آگاہ کر دیا جاتا ہے اور یہ فوراً توبہ کر کے گُنَاہ کی گندگی ( Filth ) کو خود سے دُور کر دیتے ہیں۔