اَوَّاب سے مراد وہ شخص ہے جس سے گُنَاہ ہو ، پھر توبہ کر لے ، پھر گُنَاہ ہو ، پھر توبہ کر لے۔ ^([1])

توبہ کرتے رہئے !

حضرت محمد بن مُطَرِّف رَحمۃُ اللہ علیہ فرماتے ہیں : اللہ پاک فرشتوں سے فرماتا ہے : ابنِ آدم بھی کیسا ہے... ! !  گُنَاہ کرتا ہے ، پھر مجھ سے معافی مانگتا ہے ، میں اسے معاف کر دیتا ہوں ، پھر گُنَاہ کرتا ہے ، پھر مجھ سے معافی مانگتا ہے ، میں پھر اسے معاف کر دیتا ہوں ، نہ وہ گُنَاہ چھوڑتا ہے ، نہ میری رحمت سے مایُوس ہوتا ہے ، اے فرشتو ! گواہ ہو جاؤ ! میں نے اس کی مغفرت کر دی۔^([2])

کر کے توبہ میں پھر گناہوں میں                                                                  ہو ہی جاتا ہوں مُبتَلا یاربّ !

نِیم جاں کر دیا گناہوں نے                                                                                      مرضِ عصیاں سے دے شِفا یاربّ !

کس کے در پر میں جاؤں گا مولا                                                                    گر  تُو  ناراض  ہو  گیا  یاربّ ! ^([3])

توبہ کے فائدے

پیارے اسلامی بھائیو ! اللہ پاک کی رحمت بہت بڑی ہے ہم اپنے گُنَاہوں پر شرمندہ ہوں ، توبہ کریں تو  اِنْ شَآءَاللہ الْکَرِیْم ! بڑی برکتیں ملیں گی ، قرآنِ کریم میں جو توبہ کے فائدے بیان ہوئے ،   آئیے ! سنیئے !

(1) : توبہ کرنے والے کو فلاح و کامرانی ملتی ہے ، اللہ پاک فرماتا ہے :

وَ تُوْبُوْۤا اِلَى اللّٰهِ جَمِیْعًا اَیُّهَ الْمُؤْمِنُوْنَ لَعَلَّكُمْ تُفْلِحُوْنَ(۳۱)   (پارہ : 18 ، سورۂ نور : 31)

ترجمہ کَنْزُ الایمان : اور اللہ کی طرف توبہ کرو اے