گناہ مٹانے کا وظیفہ

حضرت عبد اللہ بن مسعود  رَضِیَ اللہ عنہ فرماتے ہیں : جو شخص 3 با ر اَسْتَغْفِرُ اللہ الْعَظِیْمَ الَّذِیْ لَا اِلٰہَ اِلَّا ھُوَ الْحَيُّ الْقَيُّومُ وَ اَتُوْبُ اِلَیْہِ(یعنی میں اللہ پاک سے مغفرت کا سوال کرتا ہوں کہ جس کے سوا کوئی معبود نہیں اور وہ آپ زندہ ہے اوروں کو قائم رکھنے والامیں اُسی کی طرف رجوع کرتا ہوں)پڑھے اُس کے گنا ہ بخش دیئے جائیں گے اگرچہ سمندر کی جھاگ سے زِیادہ ہوں ۔^([1])  

اللہ پاک ہمیں سچّی پکّی توبہ کی توفیق نصیب فرمائے۔ کاش ! ہم گُنَاہ چھوڑیں ، خوب نیکیاں کریں ، اللہ پاک کو راضِی کرنے والے کاموں میں مَصْرُوف ہو جائیں ، کاش ! کاش ! کاش ! شبِ براءَت کے صدقے ہماری مغفرت کا سامان ہو جائے۔ اٰمِیْن بِجَاہِ  خَاتَمِ النَّبِیّٖن  صَلَّی اللہ عَلَیْہِ وَ آلِہٖ وَ سَلَّم ۔

گناہگار ہوں میں لائقِ جہنَّم ہوں                                                            کرم سے بَخش دے مجھ کو نہ دے سزا یاربّ      !

بُرائیوں   پہ پَشَیماں   ہوں   رَحم فرمادے !                   ہے تیرے قَہر پہ حاوی تری عطا یارب !

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد

12 دینی کاموں میں سے ایک دینی کام : مدرسۃ المدینہ بالغان

پیارے اسلامی بھائیو ! گناہوں سے چھٹکارا پانے کے لئے ، اللہ و رسول صلی اللہ عَلَیْہِ وَ آلِہٖ وَسَلَّم کا فرمانبردار بندہ بننے کے لئے  عاشقانِ رسول کی دینی تحریک دعوتِ اسلامی کے دِینی ماحول سے وابستہ ہو جائیے ! 12 دینی کاموں میں بھی خوب بڑھ چڑھ کر حِصَّہ لیجئے ! اس کی برکت سے اِنْ شَآءَ اللہ الْکَرِیْم ! دِین و دُنیا کی بےشُمار بھلائیاں نصیب ہوں گی۔ 12 دینی کاموں