کو عِلْمِ غیب دیا گیا تھا۔ دیکھئے ! آپ صَلَّی اللہ عَلَیْہِ وَ آلِہٖ وَ سَلَّم کی وفات شریف ربیعُ الْاَوَّل میں ہوئی اور حَجَّۃُ الوِدَاع ذُوالحج میں ہوا ، یعنی اپنی وفات شریف سے تقریباً 3 ماہ پہلے ہی آپ صَلَّی اللہ عَلَیْہِ وَ آلِہٖ وَ سَلَّم کو معلوم ہو گیا تھا کہ رَبِّ کریم کی بارگاہ میں حاضِری کا وقت قریب آ چکا ہے۔ یہ تو اس حدیث شریف کی بات ہے ، ورنہ قرآنی آیات اور دیگر بہت ساری اَحادیث میں واضِح بیان ہے کہ اللہ پاک کے آخری نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم کو مَاکَانَ  وَ مَایَکُوْنُ  ( یعنی روزِ اَوَّل سے قیامت تک جو ہو چکا ہے اور جو ہو گا سب )  کا عِلْم دیا گیا ہے۔  چنانچہ پارہ 27 ، سُوْرَۃُ الرَّحْمٰن ، آیت 3 اور 4 میں اِرْشاد ہوتا ہے :

خَلَقَ الْاِنْسَانَۙ(۳) عَلَّمَهُ الْبَیَانَ(۴)     ( پارہ : 27 ،  الرحمن : 3-4 )

ترجمہ کنز الایمان : انسانیت کی جان مُحَمَّد کو پیدا کیا ، مَاکَانَ وَمَا یَکُوْن کا بیان انہیں سکھایا۔

تقریباً 924 سال پہلے گزرے ہوئے بزرگ ، مشہور مفسر ومُحَدِّث مُحْیُ السُّنَّہ(یعنی سنت کو زندہ کرنے والے)  علّامہ حسین بن مسعود بغوی رحمۃُ اللہ عَلَیْہ  ( سالِ وفات : 516 ہجری )  اس آیت کے تَحْت فرماتے ہیں : یہاں الْاِنْسَانَ سے انسانیت کی جان یعنی مَحْبُوب مصطفےٰ صلی اللہ عَلَیْہِ وَ آلِہٖ وَسَلَّم مراد ہیں اور الْبَیَانَ سے مَا کَانَ وَمَا یَکُوْن کا بیان مراد ہے کیونکہ نبی کریم صلی اللہ عَلَیْہِ وَ آلِہٖ وَسَلَّم اگلے پچھلوں اور قیامت کے دِن کی خبریں دیتے ہیں۔ ^{( [1] )}  

بھلا عالَم سی شے مخفی رہے اس چشم حق بیں سے

کہ جس نے خالقِ عالم کو بے شک بالیقیں دیکھا ^{( [2] )}

 وضاحت : یعنی غیب جاننے والے نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم جنہوں نے سب جہانوں کے