وضاحت : آن کا معنی ہے : گھڑی ، لمحہ بھَر۔ اعلیٰ حضرت رحمۃُ اللہ عَلَیْہ  فرما رہے ہیں : انبیائے کرام علیہمُ السَّلام  کی بارگاہ میں بھی موت حاضِر ہوتی ہے مگر اس طرح کہ ان کے لئے موت فقط آنِی  ( یعنی لمحہ بھر کے لئے )  ہوتی ہے ، پِھر انہیں دوبارہ پہلے جیسی ، دُنیوی ، جسمانی زِندگی عطا کر دی جاتی ہے۔

انبیائے کرام علیہمُ السَّلام  زندہ ہیں

ابن ماجہ شریف کی حدیث ہے ، صحابۂ کِرَام علیہمُ الرِّضْوان نے عَرْض کی : یَارَسُوْلَ الله صلی اللہ عَلَیْہِ وَ آلِہٖ وَسَلَّم ! آپ کے وِصالِ ظاہِری کے بعد دُرودِ پاک آپ تک کیسے پہنچے گا ؟ فرمایا : اِنَّ اللہ حَرَّمَ عَلَی الْاَرْضِ اَنْ تَأْکُلَ اَجْسَادَ الْاَنْبِیَاءِ اللہ پاک نے انبیا علیہمُ السَّلام کے جسم کھانا زمین پر حرام کر دیا ہے۔ ^{( [1] )}  اور ايك بہت مشہور حدیثِ پاک ہے ، اس کو بےشُمار مُحَدِّثِیْن نے رِوایَت کیا ہے کہ اللہ کے مَحْبُوب صلی اللہ عَلَیْہِ وَ آلِہٖ وَسَلَّم نے فرمایا : اَلْاَنْبِیَآءُ اَحْیَآءٌ فِیْ قُبُوْرِہِمْ یُصَلُّوْنَ یعنی انبیائے کِرَام علیہمُ السَّلام اپنے مَزارات میں زندہ ہیں ، نماز پڑھتے ہیں۔ ^{( [2] )}  

تُو زندہ ہے واللہ ! تُو زندہ ہے واللہ !                                        مرے  چشمِ  عالم  سے  چھپ  جانے  والے ^{( [3] )}

والِدَیْنِ کریمین کو زِندہ  کر کے کلمہ پڑھایا

پیارے اسلامی بھائیو ! حَجَّۃُ الوِدَاع کے موقع پر ایک بہت ہی اِیْمان افروز واقعہ پیش آیا ، بہت سارے مُحَدِّثِیْن ، عُلَما اور اَوْلیائے کرام رَحمۃُ اللہ علیہم نے اس واقعہ کو ذِکْر بھی کیا ہے اور دُرُست بھی مانا ہے۔ وہ واقعہ کیا ہے ؟ آئیے ! سنتے ہیں : مسلمانوں کی پیاری اَمّی جان حضرت عائشہ صدیقہ  رَضِیَ اللہ عنہا فرماتی ہیں : حَجَّۃُ الوِدَاع کے موقع پر رَسُوْلُ اللہ صَلَّی اللہ عَلَیْہِ وَ آلِہٖ وَ سَلَّم