سفرِ حج کے دوران انتقال

امیرِ اَہلسنّت دَامَتْ بَرَکَاتُہُمُ الْعَالِیَہ کی عمر تقریبًا 2 سال تھی کہ آپ کے والد ِ محترم  1370ھ میں سفرِ حج پر روانہ ہوئے ۔ایامِ حج میں مِنیٰ میں سخت لُو چلی جس کی وجہ سے کئی حاجی فوت ہوگئے ، ان میں حاجی عبدالرحمن  رحمۃُ اللہ عَلَیْہ بھی شامل تھے جو مختصر بیماری کے بعد 14 ذوالحجۃ الحرام1370ھ کو اس دُنیا سے رخصت ہوگئے ۔ اِنَّا لِلّٰہِ واِنّا اِلَیْہِ رَاجِعُوْن

حاجی عبدالرحمن رحمۃُ اللہ عَلَیْہ کس قدر خوش نصیب تھے کہ وہ سفرِ حج کے دوران دنیا سے رخصت ہوئے۔ ^{( [1] )} سفرِحج کے دوران انتقال کرجانے والے کے بارے میں رحمتِ  عالم ، نورِ  مُجَسَّم صلی اللہ عَلَیْہِ وَ آلِہٖ وَسَلَّم نے فرمایا : جو حج کے لئے نکلا اور مرگیا ، قیامت تک اس کے لئے حج کا ثواب لکھاجائے گا اور جو عمرہ کے لئے نکلا اور مرگیا اس کے لئے قیامت تک عمرے کا ثواب لکھاجائے گا ۔ ^{( [2] )}

ایک اور مقام پر فرمایا : جو اس راہ میں یعنی  حج یا عمر ہ کے لئے نکلا اور مرگیا اس کا حساب  نہیں ہوگا ، اس سے کہاجائے گا : تُوجنّت میں داخل ہو۔ ^{( [3] )}

طیبہ میں مر کے ٹھنڈے چلے جاؤ آنکھیں بند         سیدھی سڑک یہ شہر شفاعت نگر کی ہے ^{( [4] )}

ایمان افروز خواب

امیرِ اہلسنّت دَامَتْ بَرَکَاتُہُمُ الْعَالِیَہ کی بڑی ہمشیرہ کا بیان ہے کہ اباجا ن رحمۃُ اللہ عَلَیْہ کے وِصال