اپنے مُوئے مبارک صحابۂ کرام علیہمُ الرِّضْوان میں اس لئے تقسیم فرمائے تاکہ وہ ان میں بطورِ برکت یادگار رہیں اور اسی سے گویا اللہ پاک کے آخری نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم  نے قُربِ وِصَال کی طرف اشارہ بھی فرما دیا۔ ^{( [1] )}  

تبرک کی ترغیب

پیارے اسلامی بھائیو ! سرورِ عالَم ، نورِ مُجَسَّم صلی اللہ عَلَیْہِ وَ آلِہٖ وَسَلَّم نے مُوئے مبارک تقسیم  ( Distribute ) فرمائے ، اس سے معلوم ہوا؛ ہمارے آقا و مولا ، مُحَمَّدِ مصطفےٰ صلی اللہ عَلَیْہِ وَ آلِہٖ وَسَلَّم  خُود اس بات کو پسند فرماتے تھے کہ  اُمّت اپنے محبوب نبی ، رسولِ ہاشمی صلی اللہ عَلَیْہِ وَ آلِہٖ وَسَلَّم   کی مبارَک یادگاریں سنبھال کر رکھے ، ان سے برکت حاصِل کرے ، اسی لئے صحابۂ کرام علیہمُ الرِّضْوان   میں  بطورِ برکت و یادگار  اپنے مُوئے مبارک تقسیم فرمائے۔

الحمدللہ ! صحابۂ کرام علیہمُ الرِّضْوان نے ان تبرکاتِ مصطفےٰ کی خُوب قدر فرمائی ، انہیں سنبھال کر باادب اور  بحفاظت ( Safe & Secure )  رکھا ، ان سے برکت حاصِل کرتے رہے ، پھر انہی سے وہ مُوئے مبارک بعد والوں کو منتقل  ( Transfer ) ہوئے اور پھر یہی مُوئے مبارَک ایک نسل سے دوسری نسل کی طرف منتقل ہوتے رہےاور الحمد للہ ! آج بھی کئی عاشقانِ رسول کے پاس محفوظ ہیں۔

سُوکھے دھانوں پہ ہمارے بھی کرم ہو جائے                    چھائے رحمت کی گھٹا بن کے تمہارے گیسو

ہم سیہ کاروں پہ یا ربّ ! تپشِ محشر میں                                                 سایہ اَفگن ہوں ترے پیارے کے پیارے گیسو ^{( [2] )}

وضاحت : یارسولَ اللہ صلی اللہ عَلَیْہِ وَ آلِہٖ وَسَلَّم ! ہماری خشک کھیتی پر کرم فرمائیے ! آپ کے مبارک گیسو رَحمت