حضرت عبّاس رَضِیَ اللہ عنہ فرماتے ہیں : سرکارِ عالی وقار ، مکی مدنی تاجدار صَلَّی اللہ عَلَیْہِ وَ آلِہٖ وَ سَلَّم نے جب بار بار دُعا کی تو اللہ پاک نے وحی بھیج دی ، فرمایا : اے محبوب صَلَّی اللہ عَلَیْہِ وَ آلِہٖ وَ سَلَّم ! ہم نے آپ کی دُعا قبول کی اور آپ کی اُمّت کو بخش دیا مگر ظالِم کہ اُس سے مَظْلُوم کا بدلہ ضرور لیا جائے گا۔

اس پر پیارے نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم نے بارگاہِ اِلٰہی میں عرض کیا : اے رَبِّ کریم ! اگر تُو چاہے تو مَظْلُوم کو جنّت عطا فرما دے اور ظالِم کو بخش دے  ( یُوں مظلوم کو بدلہ بھی مِل جائے گا ، ظالِم پر فضل و احسان بھی ہو جائے گا ) ۔

     حضرت عبّاس بن مِرداس رَضِیَ اللہ عنہ فرماتے ہیں : رسولِ اکرم ، نورِ مجسم صَلَّی اللہ عَلَیْہِ وَ آلِہٖ وَ سَلَّم نے یہ دُوسری جو دُعا عرض کی ، اس رات  اللہ پاک کی جانِب سے اس کا کوئی جواب  ( Reply )  نہ آیا۔ پِھر پیارے آقا ، رسولِ خُدا صَلَّی اللہ عَلَیْہِ وَ آلِہٖ وَ سَلَّم مُزْدَلِفَہ تشریف لے گئے۔ صبح کا وقت تھا ، اچانک پیارے نبی ، مُحَمَّد عربی صَلَّی اللہ عَلَیْہِ وَ آلِہٖ وَ سَلَّم کے چہرے پر مسکراہٹ پھیل گئی ، مسلمانوں کے پہلے و دوسرے خلیفہ حضرت ابوبکر و حضرت عمر   رَضِیَ اللہ عنہما نے جب آپ صَلَّی اللہ عَلَیْہِ وَ آلِہٖ وَ سَلَّم کو مسکراتے دیکھا تو عرض کیا : باَبِیْ اَنْتَ وَ اُمِّی اِنَّ ہٰذِہٖ لَسَاعَۃٌ مَاکُنْتَ تَضْحَکُ فِیْہَا یعنی  ( یارسولَ اللہ صَلَّی اللہ عَلَیْہِ وَ آلِہٖ وَ سَلَّم ! )  ہمارے ماں باپ آپ پر قربان ہوں ، یہ وہ گھڑی ہے کہ اس میں آپ عموماً مسکرایا نہیں کرتے فَمَا الَّذِیْ اَضْحَکَکَ ، اَضْحَکَ اللہ سِنَّکَ اللہ پاک آپ کو ہمیشہ مسکراتا رکھے ، آج کیا ہوا کہ آپ خِلافِ معمول  ( Out of Routine )  مسکرا دئیے ہیں ؟

رسولِ ذِیشان ، مکی مدنی سلطان صَلَّی اللہ عَلَیْہِ وَ آلِہٖ وَ سَلَّم نے فرمایا :  ( میں نے اپنی اُمَّت کی بخشش