کی سَعَادت ملے گی * صبح صبح نیکی کی دعوت عام کرنے کا ثواب ملے گا * آپ کے جگانے سے جتنے لوگ نماز پڑھیں گے ، ان سب کی نمازوں کا ثواب انہیں بھی ملے گا اور اِنْ شَآءَ اللہ الْکَرِیْم ! آپ کے اعمال نامے میں بھی لکھا جائے گا * صبح صبح پیدل چلنے  کا موقع ملے گا تو صحت اچھی رہے گی * ایک اَہَم فائدہ یہ کہ مسجد کی رونق بڑھ جائے گی ،  ایک اسلامی بھائی کا بیان ہے : ہم نے سردیوں میں نمازِ فجر کے لئے جگانا شروع کیا تو اتنے نمازی بڑھے کہ  صحنِ مسجد میں شامیانے لگانے پڑ گئے۔ سُبْحٰنَ اللہ !

کوئی مشکل نہیں ہے ، وقتِ جماعت سے 20 ، 25 منٹ پہلے اُٹھ جائیے ! نمازِ فجر کے لئے تو جانا ہی ہے ، صدا لگاتے چلے جائیے ! مسجد بھی پہنچ جائیں گے اور اللہ پاک کے فضل سے نیکی کی دعوت عام کرنے کا ثواب بھی مل جائے گا۔ نِیّت کر لیجئے ! اِنْ شَآءَ اللہ الْکَرِیْم ! نمازِ فجر کے لئے جگایا کروں گا۔

مکی مدنی سرکار صَلَّی اللہ عَلَیْہِ وَ آلِہٖ وَ سَلَّم کی بارگاہ سے بلاوا آ گیا

ٹھینگ موڑ ( قصور ، پنجاب پاکستان )  کے ایک اسلامی بھائی کے بیان کا خلاصہ ہے : اَلحمدُ لِلّٰہ ! میں دعوتِ اسلامی کے دِینی ماحول سے وابستہ تو تھا لیکن دِینی کاموں کے سلسلے میں سُستی کا شِکار تھا۔حُسْنِ اِتّفاق سے دعوتِ اسلامی کے ایک اسلامی بھائی سے ملاقات کا شرف حاصِل ہوا ، جب انہیں میری دِینی کاموں میں عَدَم دلچسپی کا عِلْم ہوا تو نیکی کی  دعوت دیتے ہوئے نہ صِرف دِینی کام کرنے کا ذہن دیا بلکہ پابندی سے فجر کے لئے دوسروں کو جگانے کی ترغیب بھی دلائی۔ اَلحمدُ لِلّٰہ ! میرا ذہن بن گیا۔اور میں لوگوں کو فجر کے لئے جگانا شروع ہو گیا۔  فجر کے لئے جگانے کی برکت یوں ظاہر ہوئی کہ قِسْمَت کا سِتارا چمکا ، اسی سال مجھے بارگاہِ مصطفےٰ کی حاضِری کا شرف حاصِل ہو گیا۔