* تمہارا دِل لینے اور مانگنے سے نہیں بھرتا ، ان کا دِل تم کو عطا فرمانے سے نہیں بھرتا ، وہ دینے کے حریص ہیں * اُن کی رحمتِ عامہ سارے جہانوں کے لئے ہے مگر خاص رحمت ہمیشہ دُنیا میں بھی ، قبر میں بھی ، حشر میں بھی مؤمنوں کے لئے ہے۔  ^{( [1] )}

خالِقِ کل اے رَبّ عُلیٰ                                                                                                     شکر ترا کیوں کر ہو ادا

ہم کو وہ محبوب دیا                                                                                                                               رُتبہ جس کا سب سے سوا

لَا اِلٰہَ اِلَّا اللہ آمَنَّا بِرَسُوْلِ اللہ ^{( [2] )}

تمام صِفَات لے کر دُنیا میں آئے

صُوفیائے کرام اس آیتِ کریمہ کے تحت فرماتے ہیں : اللہ پاک نے رُوحِ مصطفےٰ کو نورانی صُورت دے کر بھیجا * آپ کا سر مبارک برکت سے * مبارک آنکھیں حیا سے * کان شریف عزّت سے * زبان مبارک ذِکْر سے * ہونٹ مبارک تسبیح سے * چہرۂ پاک رضائے اِلٰہی سے * سینہ مُقَدَّس اِخْلاص سے * پاکیزہ دِل رحمت سے اور * ہاتھ مبارک سخاوت  ( Generosity )  سے بنا کر ، یہ تمام صِفَات آپ کو دے کر دُنیا میں بھیجا۔ ^{( [3] )}

لفظِ جَاءَ کی اِیْمان افروز وَضَاحت

پیارے اسلامی بھائیو ! جو آیتِ کریمہ ابھی ہم نے سُنی ، اس میں اللہ پاک نے لفظِ جَاءَ اِرشاد فرمایا ، اس میں بھی بڑی اِیْمان افروز نعت شریف ہے۔ الحاج مفتی احمد یار خان نعیمی  رَحمۃُ اللہ عَلَیْہ فرماتے ہیں : قرآنِ مجید میں عام لوگوں کی پیدائش کے ذِکْر کے لئے 2 لفظ استعمال ہوئے ہیں : ( 1 ) : خَلَق  ( یعنی پیدا کرنا ، بنانا )    ( 2 ) : بَدَعَ  ( ایجاد کرنا )  ۔ مگر حُضُورِ انور صَلَّی اللہ عَلَیْہِ وَ آلِہٖ وَ سَلَّم