Book Name:Amad e Mustafa Marhaba Marhaba
حُضُور کی آمد ! مرحبا ! غَیُّور کی آمد ! مرحبا !
پُرنور کی آمد ! مرحبا ! داتا کی آمد ! مرحبا !
مولیٰ کی آمد ! مرحبا ! پیارے کی آمد ! مرحبا !
وِلادَتِ باسَعَادت سے متعلق عجیب واقعہ
علّامہ اِبْنِ حجر مکی شافعی رَحمۃُ اللہ عَلَیْہ نے نِعْمۃُ الْکبریٰ ، صفحہ : 52 پر وِلادتِ مصطفےٰ صَلَّی اللہ عَلَیْہِ وَ آلِہٖ وَ سَلَّم پر ہونے والا ایک ایمان افروز واقعہ لکھا ہے ، واقعہ یُوں ہے کہ ایک شخص جس کا نام عامِر یمنی تھا ، اس کی ایک بیٹی ( Daughter ) تھی ، جو قُولنج ( یعنی بڑی آنت کے درد ) جُذام ( یعنی سفید داغ ) وغیرہ کے امراض میں مبتلا تھی اور ساتھ ہی ساتھ چلنے پِھرنے سے بھی معذور تھی۔ عامِر یمنی اس وقت تک چونکہ غیر مسلم ( Non-Muslim ) تھا ، جھوٹے خُداؤں کی عِبَادت کیا کرتا تھا ، وہ اپنی بیٹی کو جھوٹے خُدا کے سامنے بٹھاتا اور کہتا : اگر تُو شفا دے سکتا ہے تو میری بیٹی کو شفا دے۔ سالوں تک وہ یوں کرتا رہا مگرجھوٹا خُدا آخر ایک بےجان ( Life less ) پتھر تھا ، وہ دے بھی کیا سکتا تھا۔
ایک دِن عامِر یمنی اپنی بیوی سے کہنے لگا : ہم کب تک اس گونگے بہرے ( Deaf & Dumb ) جھوٹے خُدا کو پوجتے رہیں گے ، یہ نہ بولتا ہے ، نہ سنتا ہے ، میں نہیں سمجھتا کہ ہم صحیح دِین پر ہیں۔ بیوی بولی : ٹھیک ہے ، پِھر ہمیں بھی ساتھ لے کر ہدایت کی تلاش کے لئے نکلو ! شاید ہمیں حق کی طرف کوئی راہ نمائی ( Guidance ) مل جائے۔
دونوں میاں بیوی اپنے مکان کی چھت پر بیٹھے یہی گفتگو کر رہے تھے کہ اچانک انہوں نے دیکھا کہ ایک نُورہے جو سارے آسمان پر پھیلا ہوا ہے اور اس کی روشنی سے ساری دُنیا چمک اُٹھی ہے۔ اللہ پاک نے ان کی آنکھوں سے گمراہی کے پردے ہٹا دئیے تاکہ وہ خوابِ