حسنؔ وِلادتِ سرکار سے ہوا روشن                                                       مرے خُدا کو بھی پیاری ہے بارہویں تاریخ ^{( [1] )}

سرکار کی آمد !                                                                   مرحبا !                                                 سردار کی آمد !                                                        مرحبا !

اچھّے کی آمد !                                                                        مرحبا !                                                 سچّے کی آمد !                                                                   مرحبا !

مختار کی آمد !                                                                              مرحبا !                                                 غمخوار کی آمد !                                                            مرحبا !

تحقیق تمہارے پاس رسول آئے

پارہ : 11 ، سورۂ تَوْبَہ ، آیت : 128 میں ارشاد ہوتا ہے :

لَقَدْ جَآءَكُمْ رَسُوْلٌ مِّنْ اَنْفُسِكُمْ عَزِیْزٌ عَلَیْهِ مَا عَنِتُّمْ حَرِیْصٌ عَلَیْكُمْ بِالْمُؤْمِنِیْنَ رَءُوْفٌ رَّحِیْمٌ(۱۲۸)   

( پارہ : 11 ، التوبۃ : 128 )

ترجَمہ کنزُ العرفان : بیشک تمہارے پاس تم میں سے وہ عظیم رسول تشریف لے آئے جن پر تمہارا مشقت میں پڑنا بہت بھاری گزرتا ہے ، وہ تمہاری بھلائی کے نہایت چاہنے والے ، مسلمان پر بہت مہربان ، رحمت فرمانے والے ہیں۔

مشہور مفسر قرآن ، حکیم الاُمَّت مفتی احمد یار خان نعیمی  رَحمۃُ اللہ عَلَیْہ فرماتے ہیں : یہ آیتِ کریمہ حُضُورِ اکرم ، نورِ مُجَسَّم صَلَّی اللہ عَلَیْہِ وَ آلِہٖ وَ سَلَّم کی نعتِ پاک کا گنجینہ ( یعنی خزانہ )  ہے ، اس میں آپ صَلَّی اللہ عَلَیْہِ وَ آلِہٖ وَ سَلَّم کا میلاد ارشاد ہوا۔ اس میں ذرا غور فرمائیے ! پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کا دُنیا میں آنا تو سب لوگ جانتے تھے ، پِھر جانی ہوئی چیز کو بیان کیوں کیا گیا ؟ اس لئے تاکہ اس سے آپ صَلَّی اللہ عَلَیْہِ وَ آلِہٖ وَ سَلَّم کی وِلادَت کا ذِکْر ہو جائے۔

الحمد للہ ! پیارے آقا ، رسولِ خُدا ، احمدِ مجتبیٰ صَلَّی اللہ عَلَیْہِ وَ آلِہٖ وَ سَلَّم کی وِلادَت ، آپ کی عزّت و عظمت اور آپ کی بےمثل و بےمثال شان کا ذِکْر انبیائے کرام علیہم  السَّلَام  بھی کیا