دی۔عرض کی:کس سبب سے؟ تو انھوں نے راز دارانہ اَنداز میں کہا :سنّت کی وجہ سے۔^([1])  

پیارے اسلامی بھائیو! دیکھا آپ نے سنّت پر عمل کرنا مغفرت کا ذریعہ بن گیا۔ یقیناً کامیاب و کامران ہے، وہ جو فَرائِض و وَاجِبات کی ادائیگی کے ساتھ ساتھ نبیِ کریم صَلَّی اللہُ عَلَیْہِ وَ آلِہٖ وَ سَلَّمکی سنّتوں کو اپنا اوڑھنا بچھونا بنا لے۔ ہمارے معمولات میں سے کئی کام ایسے ہیں، جنہیں اگر سنّت کے مطابق کیا جائے تو ہم ثواب کے حقدار بن سکتے ہیں مثلاً *سنَّت کے مطابق کھانا *پینا *چلنا *پھرنا *سونا *جاگنا *مسواک کرنا *لباس پہننا *جوتے پہننااور اُتارنا *تیل لگانا *ناخن کاٹنا * گفتگو کرنا وغیرہ ،اللہ پاک ہم سب کو سنَّت سے مَحبّت عطا فرمائے۔

سُنَّتوں سے بھائی رشتہ جوڑ تُو                                                                              نِت نئے فَیشن سے مُنہ کو موڑ تُو

خوب کر ذِکرِ خدا و مصطفٰے                                                                                                دِل مدینہ یاد سے اُن کی بنا

یاخدا! ہے التجاء عطارؔ کی                                                                                                  سُنَّتیں! اپنائیں سب سرکار کی^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

(2):بُرائی کے پیشوا مت بنو!

پیارے اسلامی بھائیو! اس آیتِ کریمہ سے ایک اور سبق جو ہمیں سیکھنے کو ملتا ہے، وہ آیتِ کریمہ کے اس حصّے میں ہے:

وَ لَا تَكُوْنُوْۤا اَوَّلَ كَافِرٍۭ بِهٖ۪- (پارہ:1، البقرۃ:41)

ترجمہ کنزُ العِرفان:اور سب سے پہلے اس کا اِنکار کرنے والے نہ بنو۔