آیتِ کریمہ سے سیکھنے کے سبق

پیارے اسلامی بھائیو! یہ اس آیتِ کریمہ کی مختصر وضاحت تھی، آئیے! اس آیتِ کریمہ سے سیکھنے کے چند سبق بھی سُن لیتے ہیں:

(1):سُنّت پر چلنے کی ترغیب

سب سے پہلے تو یہ غور فرمائیے! اللہ پاک نے ان بنی اسرائیل کو فرمایا:

وَ اٰمِنُوْا بِمَاۤ اَنْزَلْتُ مُصَدِّقًا لِّمَا مَعَكُمْ (پارہ:1، البقرۃ:41)

ترجمہ کنزُ الایمان:اور اِیمان لاؤ اس پر جو میں نے اُتارا۔

عُلَمائے کِرام فرماتے ہیں: اس جگہ اللہ پاک نے یہ نہیں فرمایا کہ ہمارے قرآن پر ایمان لے آؤ! بلکہ فرمایا: جو میں نے نازِل کیا، جو کچھ اُتارا اُس پر اِیمان لے آؤ! صُوفیائے کرام اس جگہ فرماتے ہیں: جس طرح قرآن کریم اللہ پاک کا اُتارا ہوا ہے، یونہی رسولِ ذِیشان، مکی مَدَنی سُلطان صَلَّی اللہُ عَلَیْہِ وَ آلِہٖ وَ سَلَّم بھی اللہ پاک کے بھیجے ہوئے ہیں اور آپ صَلَّی اللہُ عَلَیْہِ وَ آلِہٖ وَ سَلَّم کی اَحادیث بھی وحی ہیں۔ اس صُورت میں آیتِ کریمہ کا معنیٰ بنے گا: اے عُلَمائے بنی اسرائیل! قرآن پر بھی اِیمان لے آؤ! ہمارے محبوب صَلَّی اللہُ عَلَیْہِ وَ آلِہٖ وَ سَلَّم کو سچّا نبی بھی مان لو! آپ صَلَّی اللہُ عَلَیْہِ وَ آلِہٖ وَ سَلَّم کی ہر ہر ادا پر بھی ایمان لے آؤ! ^([1])  

پیارے اسلامی بھائیو! یہاں سے ہمیں سبق مِلا کہ رسولِ ذیشان، مکی مَدَنی سُلطان صَلَّی اللہُ عَلَیْہِ وَ آلِہٖ وَ سَلَّم کے ہر ہر فرمان، آپ کی ہر ہر ادا پر ایمان لانا، اُسے ماننا، اسے دِل و جان سے تَسْلِیْم کرنا، یہ بھی ایمان کا حصّہ ہے۔ اس لئے ہمیں چاہئے کہ آپ صَلَّی اللہُ عَلَیْہِ وَ آلِہٖ وَ سَلَّم کے ہر ہر