Book Name:Burai Ke Peshwa Mat Bano
اللہُ اَکْبَر! پیارے اسلامی بھائیو! یہ بُرائی کے پیشوا کا اَنجام ہے، وہ بندہ جو خود تو بُرا تھا، اس کے ساتھ ساتھ دوسروں کو بھی اپنے پیچھے لگا لیتا تھا، اپنے ساتھ گُنَاہ میں شریک کر لیتا تھا، جس کی نسلیں اُس کی وجہ سے گُنَاہوں میں مبتلا ہوئی ہوں گی، روزِ قِیامت اس کے لئے غم بالائے غم ہو گا اور اس کا چہرہ بہت ہی کالا سیاہ ہو جائے گا۔ اس لئے ہم پر یہ لازم ہے کہ بُرائیوں سے بچیں، گُنَاہوں سے ایک تو اس لئے بچیں کہ یہ اللہ پاک کی نافرمانی ہے، دوسرا یہ بھی غور کر لیں کہ آج ہمارا اپنایا ہوا گُنَاہ کل کو ہماری نسلوں تک بھی پہنچ سکتا ہے، اگر اپنی نسلوں کو گُنَاہ اور بُرے کام وِرْثے میں چھوڑے تو یقین مانیئے! *قبر*حشر *میزان اور *پُل صراط پر سخت مشکل کا سامنا ہو گا۔ اللہ پاک ہمیں اس آفت سے بچائے، کاش! ہم بُرائیوں اور گُنَاہوں کا سبب بننے کی بجائے، نیکی کی دعوت دینے والے بن جائیں، اچھے اچھے کام کرنے والے بن جائیں، دِین کی خِدمت کرنے والے بن جائیں، کاش! ہم نیکیاں پھیلانے والے اور گُنَاہوں سے خود بچنے اور دوسروں کو بچانے والے بن جائیں۔
حُبِّ دُنیا میں دل پھنس گیا ہے نَفسِ بدکار حاوِی ہوا ہے
ہائے شیطاں بھی پیچھے پڑا ہے یاخدا! تجھ سے میری دُعا ہے
نارِ دوزخ سے مجھ کو اَماں دے مغفرت کرکے باغِ جِناں دے
نیک بن جاؤں جی چاہتا ہے یا خُدا! تجھ سے میری دُعا ہے([1])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
(3):دِین کے بدلے دُنیا مت خریدئیے!
پیارے اسلامی بھائیو! آیتِ کریمہ سے تیسرا سبق جو سیکھنے کو مِلا، وہ یہ کہ دِین کی خاطِر