چابی ہے *نماز جہنّم کے عذاب سے بچاتی ہے *نماز سے رَحمت اُترتی ہے *اللہ پاک بروزِ محشر نمازی سے راضی ہوگا *نماز دین کا ستُّون ہے *نماز سے گُناہ مُعاف ہوتے ہیں *نماز دُعاؤں کی قبولیت کا سبب ہے *نماز بیماریوں سے بچاتی ہے نماز سے بدن کو سُکون ملتا ہے *نماز سے روزی میں بَرَکت ہوتی ہے *نماز بے حیائی اور بُرے کاموں سے بچاتی ہے *نماز شیطان کو نَاپسند ہے *نماز قبر کے اَندھیرے میں تنہائی کی ساتھی ہے *نماز نیکیوں کے پلڑے کو وَزَنی بنا دیتی ہے *نماز مؤمِن کی مِعراج ہے *نماز کو وَقت پر ادا کرنا تمام اَعْمال سے اَفْضل ہے *نمازی کے لیے سب سے بڑی نِعمت یہ ہے کہ اُسے بَروزِ قیامت اللہ پاک کا دِیْدار ہوگا۔

ہر عِبادت سے برتر عِبادت نماز                                                                 ساری دَولت سے بڑھ کر ہے دَولت نماز

قلبِ غمگین کا سَامانِ فَرْحَت نماز                                                       ہے مریضوں کو پیغامِ صحت نماز

صبر سے اور نمازوں سے چاہو مدد                                                  پوری کروائے ہر ایک حَاجَت نماز^([1])

(2):نمازِ باجماعت کا حکم

پیارے اسلامی بھائیو! اسی آیتِ کریمہ میں نماز سے متعلق ایک اَور حکم دیا گیا کہ

وَ ارْكَعُوْا مَعَ الرّٰكِعِیْنَ(۴۳) (پارہ:1، البقرۃ:43)

ترجمہ کنزُ العِرفان:اور رُکوع کرنے والوں کے ساتھ رُکوع کرو۔

حضرت مفتی احمد یار خان نعیمی رَحمۃُ اللہِ عَلَیْہ فرماتے ہیں: اس کا مطلب یہ ہے کہ جماعت سے نماز پڑھا کرو! کیونکہ جماعت کی نماز تنہا نماز پر 27 دَرَجے افضل ہے۔^([2])