ہا کروڑ شکر کہ اُس نے مجھے تیری محبت سے چھٹکارا عنایت فرمادیا ہے۔ اَلْحَمْدُلِلّٰہ!)میں نے اپنی بدنِیَّتی سے توبہ کرلی ہے اور تجھ سے بھی معافی کا طلب گار ہوں ۔ جب اُس نیک خاتون نے اپنے شوہر کو یہ پیغام سنایا تو اُس کی زبان سے بے ساختہ (یعنی ایک دم)یہ جاری ہوگیا: صَدَقَ اللہُ الْعَظِیْمُ فِیْ قَوْلِہٖ (یعنی ربِّ عظیم نے اپنے اس ارشاد میں بالکل سچ فرمایا ): ^([1])

اِنَّ الصَّلٰوةَ تَنْهٰى عَنِ الْفَحْشَآءِ وَ الْمُنْكَرِؕ- (پارہ:21، العنکبوت:45)

ترجمہ کنزُ العِرفان:بیشک نماز بے حیائی اور بُری بات سے روکتی ہے۔

بھائیو! گر خُدا کی رِضا چاہئے                                                                                    آپ پڑھتے رہیں باجماعت نَماز

آؤ مسجِد میں جُھک جاؤ ربّ کے حضور                                 تم کو دلوائے گی حق سے رِفْعَت نماز

کیوں نمازی جہنم میں جائے بَھلا!                                                       اِس کو دِلوائے گی باغِ جنّت نماز^([2])

نَماز کے مختلف 25فضائل

پیارے اسلامی بھائیو! نماز کی عادَت اپنائیے! نماز قائِم کیجئے! یعنی درست پڑھیئے! ہمیشہ پڑھیئے! ساری نمازیں پڑھیئے! اور اللہ پاک توفیق دے، دِل لگا کر پڑھیئے! الحمد للہ! نماز بہت ہی اعلیٰ عبادت ہے، اَفْضَل تَرین عِبَادت ہے *اللہ پاک کی رضا  کا سبب نماز ہے *مکی مَدَنی آقا صَلَّی اللہُ عَلَیْہِ وَ آلِہٖ وَ سَلَّم کی آنکھوں کی ٹھنڈک نماز ہے *انبیائے کرام علیہمُ السَّلام کی سنّت نماز ہے *نماز اَندھیری قَبْرکا چَراغ ہے *نماز عذّابِ قبر سے بچاتی ہے *نماز قَیامت کی دھوپ میں سایہ ہے *نماز پُل صِرَاط کے لیے آسانی ہے *نماز نُور ہے *نماز جنّت کی