قَالَ اللہُ تَبَارَکَ وَ تَعَالٰی فِی الْقُرْآنِ الْکَرِیْم(اللہ پاک قرآنِ کریم میں فرماتا ہے):

وَ اَقِیْمُوا الصَّلٰوةَ وَ اٰتُوا الزَّكٰوةَ وَ ارْكَعُوْا مَعَ الرّٰكِعِیْنَ(۴۳)

صَدَقَ اللہُ الْعَظِیْم وَ صَدَقَ رَسُوْلُہُ النَّبِیُّ الْکَرِیْم صلّی اللہ ُ عَلَیْہِ وَ آلِہٖ وَسَلَّم

ترجمہ کنزُ العِرفان: اور نماز قائِم رکھو اور زکوٰۃ ادا کرو اور رُکوع کرنے والوں کے ساتھ رُکوع کرو۔

آیتِ کریمہ کا مرکزی مضمون

پیارے اسلامی بھائیو! ہم نے پارہ:1، سورۂ بقرہ کی آیت: 43 سُننے کی سَعَادت حاصِل کی، اِس آیتِ مقدَّسہ میں بھی بنی اسرائیل سے خطاب ہے، اس سے پچھلی آیت میں انہیں اِیمان قبول کرنے کا حکم دیا گیا تھا، یہاں انہیں 3نیک اَعْمال کا حکم دیا گیا، ارشاد ہوا:

(1): پہلا حکم:

وَ اَقِیْمُوا الصَّلٰوةَ (پارہ:1، البقرۃ:43)

ترجمہ کنزُ العِرفان:اور نماز قائم رکھو۔

(2):دوسرا حکم:

وَ اٰتُوا الزَّكٰوةَ (پارہ:1، البقرۃ:43)

ترجمہ کنزُ العِرفان:اور زکوٰۃ ادا کرو۔

(3):تیسرا حکم:

وَ ارْكَعُوْا مَعَ الرّٰكِعِیْنَ(۴۳) (پارہ:1، البقرۃ:43)

ترجمہ کنزُ العِرفان:اور رُکوع کرنے والوں کے ساتھ رُکوع کرو۔

بنی اسرائیل کے لئے نسخۂ شفا

مَشْہور مُفَسِّر قُرآن، حکیمُ الْاُمّت، مفتی احمد یار خان نعیمی رَحمۃُ اللہِ عَلَیْہ نے اس جگہ بڑی