لَبَّيْكَ اَللّٰھُمَّ لَبَّيْكَ (یعنی یا اللہ ! میں تیرے  ہر ہر حکم پر سر جھکاتا ہوں)، ہم غور کریں ! اللہ پاک نے ہمیں کس کس بات کا حکم دیا ہے؟ رَبّ فرماتا ہے:

وَ اَقِیْمُوا الصَّلٰوةَ  (پارہ:1،سورۂ بقرۃ:43)

ترجَمہ کنزُ الایمان:نماز قائم رکھو۔

اب ہم نے کیا کہنا ہے؟ لَبَّيْكَ اَللّٰھُمَّ لَبَّيْكَ میں حاضر ہوں ،یا اللہ !میں حاضر ہوں۔

  اللہ پاک فرماتا ہے :

وَ اٰتُوا الزَّكٰوةَ (پارہ:1،سورۂ بقرۃ:43)

ترجَمہ کنزُ الایمان: زکوٰۃ دو۔

ہم نے کیا کہنا ہے؟ لَبَّيْكَ اَللّٰھُمَّ لَبَّيْكَ میں حاضر ہوں ،یا اللہ !میں حاضر ہوں۔

  رَبّ نے فرمایا:

كُتِبَ عَلَیْكُمُ الصِّیَامُ  (پارہ:2،سورۂ بقرۃ:183)

ترجَمہ کنزُ الایمان: تم پر روزے فرض کیے گئے۔

ہم نے کیا کہنا ہے؟ لَبَّيْكَ اَللّٰھُمَّ لَبَّيْكَ میں حاضر ہوں ،یا اللہ !میں حاضر ہوں۔

  رَبّ فرماتا ہے :

ادْخُلُوْا فِی السِّلْمِ كَآفَّةً۪-  (پارہ:2،سورۂ بقرۃ:208)

ترجَمہ کنزُ الایمان: اسلام میں پورے داخل ہو۔

بندے نے کیا کہنا ہے؟ لَبَّيْكَ اَللّٰھُمَّ لَبَّيْكَ میں حاضر ہوں ،یا اللہ !میں حاضر ہوں۔

رَبّ فرماتا ہے:

اَنْفِقُوْا مِمَّا رَزَقْنٰكُمْ (پارہ:3،سورۂ بقرۃ:254)

ترجَمہ کنزُ الایمان: ہمارے دئیے میں سے خرچ کرو۔