قومیں پہلے خواب دیکھتی ہیں، ترقی، عروج اور کامیابی کے لئے جذبہ دکھاتی ہیں، جنون ہوتا ہے، بلندی اور عروج کے لئے دِن رات محنت ہوتی ہے، تب اللہ پاک ان کی محنتوں کا صِلہ عطا فرماتا ہے، اُن کو ترقی عطا کی جاتی ہے، یہاں تک کہ قومیں بلندی و عروج میں ستاروں تک جا پہنچتی ہیں، پھر ایک وقت آتا ہے کہ لوگ اللہ پاک کی نعمت بھول جاتے ہیں، غرور اور تکبُّر اُن کے سَر چڑھتا ہے، گُنَاہ، نافرمانی، عیاشی، فضولیات میں حَدْ سے بڑھتے ہیں، تب اُن پر اللہ پاک کا غضب نازِل ہوتا ہے اور انہیں پھر سے تَنَزُّلی کے گہرے گڑھے میں گرا دیا جاتا ہے۔ قوموں کی یہی تاریخ ہے۔

یاخدا! پاک وطن کی تُو حفاظت فرما                                                    فضل کر اس پہ سدا سایۂ رحمت فرما

اس کو تُو قَلْعۂ اسلام بنا دے یاربّ!                                     میرے پیارے وطنِ پاک پہ رحمت فرما

ہائے! بدمست گناہوں میں ہوئے اہلِ وطن         یاخدا! سب کو عطا نیک ہدایت فرما

بچہ بچہ ہو نمازی مِرے پاکستاں کا                                                   اور عطا جذبۂ پاپندیِ سُنّت فرما

شکر صَد شکر غلامی سے ملی آزادی                                                    پھر عنایت ہمیں کھوئی ہوئی شوکت فرما^([1])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

جشنِ آزادی کیسے منائیں؟

آج سے پانچویں دِن یومِ آزادی ہے، سب جانتے ہیں جشنِ آزادی پر ہمارے ہی مُعَاشرے میں کیا ماحَول ہوتا ہے۔ میوزک بجتا ہے، شور و غُل ہوتا ہے، اَوباش لڑکے وَن ویلنگ (One Wheeling) کرتے ہیں، سڑکوں پر اُودھم مچایا جاتا ہے۔ کیا 14اگست ان