کی طاقت عطا فرمائی ہے،پس قِیامت تک جوکوئی مجھ پر دُرودِپاک پڑھتا ہے تو وہ مجھے اُس کااور اُس کے باپ کا نام پیش کرتاہے،(کہ)فُلاں بن فُلاں نے آپ پر یہ دُرودِ پاک پڑھا ہے۔(مجمع الزوائدکتلب الادعیۃ،باب فی الصلاۃ علی النبی…الخ،۱۰/۲۵۱، حدیث:۹۱ ۱۷۲)

صَلُّو ْا عَلَی الْحَبِیْب!                                                                                             صَلَّی اللہُ عَلٰی مُحَمَّد

فرمانِ مصطفےٰ صَلّی اللہُ عَلَیْہ وآلِہ وسَلَّم:اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! *عِلْم سیکھنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبیب!                                                                                                                                                صَلَّی اللّٰہُ عَلٰی مُحَمَّد

ہِمّت والے رسول

پیارے اسلامی بھائیو!یُوں تو سارے اَنبیا اور رُسُل  عَلَیْہِمُ السَّلَام  ہِمّت والے ہیں  اور سبھی نے راہِ حق میں  آنے والی تکالیف پر صَبْر و  ہِمّت کا شاندارمُظاہَرہ کیا ہے البتہ اِن کی مُقَدَّس جماعت میں  سے پانچ (5)رسول عَلَیْہِمُ السَّلَام ایسے ہیں  جن کا راہِ حق میں  صَبْر دیگرنبیوں اور رسولوں عَلَیْہِمُ السَّلَام  سے زیادہ ہے، اِس لئے اِنہیں  بطورِ خاص ’’اُلُوا الْعَزْم رسول‘‘ کہا جاتا ہے اور جب بھی ’’اُلُوا الْعَزْم رسول‘‘ کہا جائے تو یہی پانچوں  رسول عَلَیْہِمُ السَّلَام مُراد ہوتے ہیں  اور وہ یہ ہیں:(1)…حُضور اَقدس  صَلَّی اللہ عَلَیْہِ وَاٰلِہٖ وَسَلَّمَ۔(2) …حضرت اِبراہیم   عَلَیْہِ السَّلَام۔(3)…حضرت موسیٰ عَلَیْہِ السَّلَام۔ (4) … حضرت عیسیٰ عَلَیْہِ االسَّلَام اور