یعنی بنی اسرائیل جو اُس زمانے میں زندہ موجود تھے، اُنہوں نے کہا، کیا کہا؟

لَنْ تَمَسَّنَا النَّارُ اِلَّاۤ اَیَّامًا مَّعْدُوْدَةًؕ-      (پارہ:1، البقرۃ:80)                   

تَرْجَمَۂ کَنْزُالْعِرْفَان: ہمیں تو آگ ہر گز نہ چھوئے گی مگر گنتی کے چند دن۔

عُلَمائے کرام فرماتے ہیں: بنی اسرائیل کا کہنا تھا کہ ہم چاہے کچھ بھی کر لیں (گُنَاہ کریں، رِشْوتیں کھائیں، تورات شریف کے اَحکام بدلیں، انبیائے کرام  علیہم السَّلَام  کی گُسْتاخِیاں کریں، غرض؛ ہم کچھ بھی کریں) دوزخ کی آگ ہمیں چُھو بھی نہیں سکے گی، ہم تو پکّے ٹھکے جنّتی ہیں، ہاں! دوزخ میں جائیں گے بھی تو گنتی کے دِن ہی رہیں گے، پِھر ہمیں دوزخ سے نکال کر جنّت میں داخِل کر دیا جائے گا۔^([1]) 

اُن کے اِس غلط خیال بلکہ خُوش فہمی کےجواب میں   اللہ  پاک نے فرمایا:

قُلْ                                   (پارہ:1، البقرۃ:80)

                                                                                                                                                                                                                    تَرْجَمَۂ کَنْزُالْعِرْفَان: اے حبیب! تم فرمادو۔

یعنی اے پیارے مَحْبُوب  صَلَّی  اللہ تَعَالٰی عَلَیْہِ وَاٰلِہٖ وَسَلَّمَ ! آپ اُن بنی اسرائیل کو فرما دیجئے:

اَتَّخَذْتُمْ عِنْدَ اللّٰهِ عَهْدًا فَلَنْ یُّخْلِفَ اللّٰهُ عَهْدَه (پارہ:1، البقرۃ:80)                                                 

تَرْجَمَۂ کَنْزُالْعِرْفَان: کیا تم نے خدا سے کوئی وعدہ لیا ہوا ہے؟ (اگر ایسا ہے، پھر) تو   اللہ   ہر گز وعدہ خلافی نہیں کرے گا۔

یعنی کون جنّت میں جائے گا؟ کون جہنّم میں رہے گا؟ یہ معاملہ تو آخرت سے متعلق ہے، لہٰذا اِس بارے میں اپنی عقل دوڑانا بالکل ٹھیک نہیں ہے، ہاں! اگر تمہارے پاس کوئی دستاویز(Document) ہو، جس میں   اللہ  پاک نے تم سے جنّت کا وعدہ کر لیا ہو، بھلا وہ دستاویز