توفیق دے تو ہم عالم بن جائیں ورنہ ان سے مَحبّت  کریں۔ ^([1])

یاد رکھئے! سنّی علما سے مَحبّت خیر اور بھلائی کی علامت ہے۔حضرت  امام قُتَیْبَہ بن سَعید  رَضِیَ اللہُ عنہ  فرماتے ہیں:اِذَا ‌رَاَيْتَ ‌الرَّجُلَ ‌يُحِبُّ ‌اَحْمَد َبْنِ حَنْبَلٍ فَاعْلَمْ اَنَّهٗ صَاحِبُ سُنَّةٍ وَجَمَاعَةٍ یعنی جب تو کسی ایسے شخص کو دیکھے کہ جو امام احمد بن حنبل  رَضِیَ اللہُ عنہ  سے مَحبّت رکھتا ہو تو جان لے وہ اہل سنّت و جماعت سے ہے۔ ^([2])

اللہ! اللہ! کیا شان ہے علمائے کرام کی کہ جو ان سے مَحبّت کرتا  ہے دُنیا و آخرت میں سعادت مند ہو جاتا ہے۔ایک نیک  بندے کو اس کے انتقال کے بعد کسی نے خواب میں دیکھا اور پوچھا :مَا فَعَلَ اللہُ بِکَ اللہ پاک نے آپ کے ساتھ کیا معاملہ فرمایا؟انہوں کہا کہ اللہ پاک نے مجھے بخش دیا۔ پوچھا  کس وجہ سے ؟جواب دیا :حضرت امام احمد بن حنبل  رَضِیَ اللہُ عنہ   کی مَحبّت کی وجہ سے۔^([3])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

امیر اہلسنّت کی اعلیٰ حضرت  رَضِیَ اللہُ عنہ    سے مَحبّت

پیارے اسلامی بھائیو!  امیرِ اہلسنّت   دَامَتْ بَرَکاتُہُمُ الْعَالِیَہ    یوں تو ہر عاشقِ رسول عالِم سے مَحبّت فرماتے ہیں مگر اعلیٰ حضرت  امام احمد رضا خان  رَضِیَ اللہُ عنہ  کے ساتھ آپ کی مَحبّت دیدنی ہے۔  آپ فرماتے ہیں:اَلحمدُ لِلّٰہ!  بچپن ہی سے اعلیٰ حضرت  امام احمد رضا خان  رَضِیَ اللہُ عنہ  سے پہچان ہو چکی تھی۔پھر جُوں جُوں شُعور آتا گیا اعلیٰ حضرت  رَضِیَ اللہُ عنہ  کی  مَحبّت  دل میں