ہفتہ واراجتماع کے حلقوں کا شیڈول(بیرون ملک) ، 27مئی2021ء

(1) : سنتیں اورآداب سیکھنا : 5منٹ ، (2) : دعایاد کرنا : 5 منٹ ، (3) : جائزہ : 5منٹ ، کُل دورانیہ15منٹ

تربیتِ اولاد سے متعلق بقیہ آداب

ماں باپ بچے کے لیے رول ماڈل کی حیثیت رکھتے ہیں۔ بچہ ان کی حرکات کو دیکھتا اور پھر اسے اپنانے کی کوشش کرتا ہےلہٰذا والدین کی باتوں اور عمل میں اگرٹکراؤ ہوا  تو بچے پر اس کا بُرا اثر پڑے گا مثلاً باپ گھر میں ہوتے ہوئے بچے کو کہے کہ باہر جاکر بولو : “ ابو گھر میں نہیں ہیں۔ “ ہوسکتا ہے باپ اس واقعہ کو ایک معمولی بات سمجھ کر بھول جائے مگر بچہ اسے بھولنے کی بجائے ضرور اپنے چھوٹے دماغ سےسوچے گا کہ جھوٹ  کوئی بُری  چیز  نہیں ہے جبھی تو میرے والد نے بولا ، اب باپ اسی بچے کو جھوٹ سے بچنے کی لاکھ نصیحت کرے پھر بھی وہ جھوٹ نہیں چھوڑے  گا کیونکہ وہ باپ کو جھوٹ بولتے دیکھ چکا ہے۔ بچے کو چُپ کروانے کے لیے عموماً بولا جاتا ہے  کہ بلی آئی ، کتا آیا وغیرہ تو یہ بھی ہم بچے کو ناسمجھی  میں جھوٹ ہی سکھا رہے ہوتے ہیں اس لیے کہ ان باتوں کا عموماً حقیقت سے کوئی تعلق نہیں ہوتا۔ یوں ہی ماں  اگر زبان کی تیز  اور جھگڑالو ہوگی تو بیٹی پر اس کا  اثر پڑے گا اور وہ بھی ماں کے نقشِ قدم پر چلے گی۔ (مدنی مذاکرہ ، کیسٹ نمبر ۴۵-۱۳) بچپن ہی سے اولاد کی تربیت پر بھرپور توجہ دینی  چاہیے مثلاً جب دودھ