ثواب کسی کے لیے بھی نہیں ہوگا۔ ^([1])

                             (2)ارشاد فرمایا : جس نے قرآنِ کریم کی ایک آیت سکھائی اس کے لیے سیکھنے والے سے دُگنا (Double)ثواب ہے۔ ^([2])

                             (3)ارشاد فرمایا : جس نے قرآنِ عظیم کی ایک آیت سکھائی جب تک اس آیت کی تلاوت ہوتی رہے گی اس کے لیے ثواب جاری رہے گا۔ ^([3])

                             (4)ارشاد فرمایا : جس شخص نے قرآنِ پاک سیکھا اور سکھایا  اور جو کچھ قرآنِ پاک میں ہے اس پر عمل کیا ، قرآن شریف اس کی شفاعت کرےگااور جنت میں لے جائے گا۔ ^([4])

صَلُّوْا عَلَی الْحَبِیْب!                                           صَلَّی اللہُ عَلٰی مُحَمّد

               پیارے پیارے اسلامی بھائیو!بیان کردہ احادیثِ مبارَکہ میں جہاں قرآنِ کریم سیکھنے اور سکھانے والوں کی شان اُجاگر ہوئی ، وہیں یہ نکتہ بھی سامنے آیا کہ قرآنِ کریم سیکھنے سکھانے کے ساتھ ساتھ اس پر عمل کرنا بھی ضروری ہے۔ عموماً بعض لوگ قرآنِ کریم سیکھنے سکھانے کی سعادت پانے میں کامیاب ہوجاتے ہیں لیکن  قرآنی تعلیمات پر ان کاعمل  نہیں  ہوتا۔ قرآنِ کریم کے احکام پر عمل نہ کرنے کے کیا کیا نقصانات سامنے آتے ہیں آئیے!سنتے ہیں ، چنانچہ