کر کے وہ کھجور بھی اپنی بیٹیوں کو کھلا دی۔ مجھے اس واقعے سے بہت تعجب ہوا ، میں نے نبئ اَکْرَم ، نورِ  مُجَسَّمْ  صَلَّی اللہ عَلَیْہِ وَاٰلِہٖ وَسَلَّم کی بارگاہ میں اس خاتون کے ایثار کا بیان کیا تو آپ صَلَّی اللہ عَلَیْہِ وَاٰلِہٖ وَسَلَّم نے فرمایا : اللہ  پاک نے اِس  ( عمل )  کی وجہ سے اس عَوْرَت کے لئے جَنّت واجِب کر دی۔  ^{( [1] )}  

مَاشَآ ءَ اللہ! ایثار کی بھی کیا بات ہے! کاش ہم بھی اپنی پسند کی چیزیں ایثار کرنا سیکھ جائیں! اس روایت سے یہ بھی  مَعْلُوم ہوا کہ بیٹیوں کے ساتھ نیک سلوک کرنا ، اپنی پسند کی چیزیں ان کے لئے ایثار کر دینا بڑی فضیلت کا کام ہے۔ اللہ پاک ہم سب کو توفیق عطا فرمائے ، کاش! ہم بھی بچوں سے پیار کرنے والے ، بالخصوص بیٹیوں پر شفقت و مہربانی کرنے والے بن جائیں۔اٰمِیْن بِجَاہِ خَاتَمِ النَّبِیّٖنَ  صَلَّی اللہ عَلَیْہِ وَ آلِہٖ وَسَلَّم ۔

بیٹیاں تو رب کی رحمت ہوتی ہیں          یہ انعام خُدا کا ، یہ تو نعمت ہوتی ہیں

ان سے آنگن گھر کا مہکے                   سارا گلشن ان سے چہکے

بابا کی یہ آنکھ کا تارا                        ماں کے دِل کی زینت ہوتی ہیں

بیٹیاں تو رب کی رحمت ہوتی ہیں          یہ انعام خُدا کا ، یہ تو نعمت ہوتی ہیں

صَلُّوْا عَلَی الْحَبِیْب!                                                                    صَلَّی اللہ عَلٰی مُحَمَّد

رحم دِلی کے متعلق  اَحَادِیثِ کریمہ

 ( 1 ) : بخاری شریف کی حدیث پاک ہے ، پیارے نبی ، رسولِ ہاشمی صَلَّی اللہ عَلیہ وَآلہٖ و َسَلَّم نے فرمایا : لَا يَرْحَمُ اللَّهُ مَنْ لاَ يَرْحَمُ النَّاسَ جو لوگوں پر رحم نہیں کرتا  اللہ  پاک اس پر رحم نہیں فرماتا۔ ^{( [2] )}   ( 2 ) : ایک حدیث پاک میں فرمایا : الرَّاحِمُونَ يَرْحَمُهمُ الرَّحْمٰن جو رحم کرنے والے