لایا اس کے لئے آپ  صَلَّی اللہ عَلَیْہِ وَ آلِہٖ وَسَلَّم دُنیا میں رحمت ہیں کہ جانِ عالَم ، نورِ  مُجَسَّمْ   صَلَّی اللہ عَلَیْہِ وَ آلِہٖ وَسَلَّم کے صدقے میں اس کے دُنیوی عذاب کو مُؤخَّر کر دیا گیا ، اس سے زمین میں دھنسانے  اور شکلیں بگاڑ دینے کا عذاب اُٹھا دیا گیا۔ ^{( [1] )}   

اعلیٰ حضرت ، امامِ اہلسنت ، شاہ امام احمد رضا خان رَحمۃُ اللہ عَلَیْہ   فرماتے ہیں : عالَم ماسوائے اللہ کو کہتے ہیں  ( یعنی اللہ پاک کے عِلاوہ جو کچھ ہے ، سب عالَم ہے ) ، اس میں انبیا و ملائکہ سب داخِل ہیں ، تو لازمی طور پر حُضُور پُرنور ، سید المرسلین  صَلَّی اللہ عَلَیْہِ وَ آلِہٖ وَسَلَّم ان سب پر رحمت و نعمت ہوئے اور وہ سب حُضُور کی سرکارِ عالی سے فیضیاب۔ ^{( [2] )}    

وہ نبیوں میں رحمت لقب پانے والا       مرادیں غریبوں کی بر لانے والا

مصیبت میں غیروں کے کام آنے والا    وہ اپنے پرائے کا غم کھانے والا

فقیروں کا ملجا ، ضعیفوں کا ماوٰی ،            یتیموں کا والی ، غلاموں کا مولا

خطا کار سے درگزر کرنے والا               بداندیش کے دِل میں گھر کرنے والا

صَلُّوْا عَلَی الْحَبِیْب!                                                                    صَلَّی اللہ عَلٰی مُحَمَّد

اُمَّتی ہونے کا تقاضا

 پیارے اسلامی بھائیو! ہمارے آقا و مولیٰ ، مکی مدنی مصطفےٰ صَلَّی اللہ عَلَیْہِ وَ آلِہٖ وَسَلَّم رَحْمَۃٌ لِّلْعَالَمِیْن   ( یعنی تمام جہانوں کے لئے رحمت )  ہیں اور ہم آپ کے اُمّتی۔ رَحْمَۃٌ لِّلْعَالَمِیْن صَلَّی اللہ عَلَیْہِ وَ آلِہٖ وَسَلَّم کا اُمّتی ہونے کا تقاضا  ( Requirement ) ہے کہ ہم بھی رَحْم دِل بنیں ، پیار ، محبّت ، بھائی چارہ ، اِحْسَان اور مہربانی والے جذبات دِل میں بڑھائیں۔ اپنے وقت کے بہت بڑے امام ،