اسی طرح ایک دوسرے مقام پر اللہ پاک فرماتا ہے :

وَّ اتَّبِـعْ سَبِیْلَ مَنْ اَنَابَ اِلَیَّۚ       ( پارہ : 21 ، سورۂ لقمان : 15 )

ترجَمہ کنز العرفان : اور میری طرف رجوع کرنے والے آدمی کے راستے پر چل۔

سُلْطَانُ الْمُفَسِّرِین ، حضرت عبد اللہ بن عباس  رَضِیَ اللہُ عنہما فرماتے ہیں : اس آیتِ کریمہ میں مَنْ اَنَابَ اِلَیَّۚ    یعنی اللہ پاک کی طرف رجوع لانے والے سے مراد حضرت ابو بکر صدیق رَضِیَ اللہُ عنہ ہیں۔ ^{( [1] )}

اللہ پاک ہمیں یارِ غارِ رسول حضرت ابوبکر صِدِّیق رَضِیَ اللہُ عنہ کے نقشِ سیرت ( Life Pattern )  پر چلنے ، آپ کے پاکیزہ کردار ، نورانی اَخْلاق اور نِرالی عادات کا فیضان نصیب فرمائے۔

 آمِیْن بِجَاہِ خَاتَمِ النَّبِیّٖنَ صَلَّی اللہُ عَلیہ وَآلہٖ و َسَلّم ۔

بھٹک سکتے نہیں ہم ، اپنی منزل ٹھوکروں میں ہے

نبی کا ہے کرم اور رہنما صِدِّیقِ اکبر ہیں

گناہوں کے مرض نے نیم جاں ہے کر دیا مجھ کو

طبیب  اب  بَس  مرے  تو  آپ  یَاصِدِّیقِ  اکبر  ہیں ^{( [2] )}

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

ایمان پہلی نیکی ہے

پیارے اسلامی بھائیو ! ایمان یعنی کلمہ طیبہ لَاۤ اِلٰہَ اِلَّا اللہُ مُحَمَّدُ رَّسُوْلُ اللہ پڑھ کر دائرۂ اسلام میں داخِل ہونا سب سے پہلی نیکی ہے۔اُخْروِی فضائل کا دروازہ اسی نیکی  ( یعنی ایمان )