کے لائے ہوئے دِین پر سب سے بڑھ کر ایسا ایمان لانے والا ، جیسا ایمان کوئی نہ لایا۔

سبھی علمائے اُمّت کے ، امام و پیشوا ہیں آپ         بِلاشک پیشوائے اَصفیا صدّیقِ اکبر ہیں

خدا ئے پاک کی رحمت سے انسانوں میں ہر اک سے  فُزوں تر بعد از کُل انبیا صدّیقِ اکبر ہیں ^{( [1] )}

وضاحت : اللہ پاک کے آخری نبی ، مکی مدنی صَلَّی اللہُ عَلیہ وَآلہٖ و َسَلّم  کی امت کے تمام علما کے سردا ر اور صوفیا کے راہنما صدیق اکبر رَضِیَ اللہُ عنہ ہیں ، بلکہ اللہ پاک  کی رحمت سے تمام انبیا کے بعد سب سے افضل ہستی صدیق اکبر رَضِیَ اللہُ عنہ ہیں۔

صِدِّیقِ اکبر تَصْدِیق کرنے والے ہیں

پارہ : 24 ، سورۂ زُمر ، آیت : 33 میں اللہ پاک فرماتا ہے :

وَ الَّذِیْ جَآءَ بِالصِّدْقِ وَ صَدَّقَ بِهٖۤ اُولٰٓىٕكَ هُمُ الْمُتَّقُوْنَ(۳۳)  ( پارہ : 24 ، سورۂ زُمر : 33 )

ترجَمہ کنز الایمان : اور وہ جو یہ سچ لے کر تشریف لائے اور وہ جنہوں نے ان کی تصدیق کی یہی ڈر والے ہیں۔

مسلمانوں کے چوتھے خلیفہ ، حضرت علی المرتضی شیرِ خدا رَضِیَ اللہُ عنہ فرماتے ہیں : اس آیت میں سچ لانے والے سے مراد حضورِ اکرم ، نورِ مُجَسَّم صَلَّی اللہُ عَلیہ وَآلہٖ و َسَلّم کی ذات پاک ہے اور تصدیق کرنے والے سے حضرت ابوبکر صدیق رَضِیَ اللہُ عنہ مراد ہیں۔ ^{( [2] )}

اَصْدَق ُالصَّادِقِیں سَیِّدُ الْمُتَّقِیں                                                                               چشم و گوشِ وِزارت پہ لاکھوں سلام ^{( [3] )}