میں تورات میں ایسی اُمَّت کا تذکرہ پڑھتا ہوں ، جن کی شَفَاعت کی جائے گی ، مولیٰ ! اسے میری اُمّت بنا دے۔ اللہ پاک نے فرمایا :   تِلْکَ اُمَّۃُ اَحْمَد  ( صلی اللہ عَلَیْہِ وَ آلِہٖ وَسَلَّم  ) یعنی اے موسیٰ ! یہ تو میرے محبوب نبی حضرت اَحمدِ مجتبیٰ صلّی اللہ ُ عَلَیْہِ وَ آلِہٖ وَسَلَّم کی اُمّت ہے۔حضرت موسیٰ عَلَیْہِ السَّلام    نے عرض کیا : اے رَبِّ کریم ! میں تورات میں ایسی اُمَّت کا ذِکْر پڑھتا ہوں ، جن کی دُعائیں قبول کی جائیں گے ، یااللہ پاک ! اسے میری اُمَّت بنا دے۔ ربِّ کائنات نے فرمایا : تِلْکَ اُمَّۃُ اَحْمَد  ( صلی اللہ عَلَیْہِ وَ آلِہٖ وَسَلَّم  ) یعنی اے موسیٰ ! یہ تو میرے محبوب نبی حضرت اَحمدِ مجتبیٰ صلّی اللہ ُ عَلَیْہِ وَ آلِہٖ وَسَلَّم کی اُمّت ہے۔حضرت موسیٰ عَلَیْہِ السَّلام    نے عرض کیا : اے رَبِّ رَحْمٰن و رَحیم ! میں تورات شریف میں ایسی اُمَّت کا ذِکْر پڑھتا ہوں ، جن کی کتاب  ( یعنی قرآنِ کریم )  اُن کے سینوں میں ہو گی اور وہ اس کی تِلاوت کیا کریں گے ، اے اللہ پاک ! اسے میری اُمَّت بنا دے۔ رَبِّ کعبہ نے فرمایا : تِلْکَ اُمَّۃُ اَحْمَد  ( صلی اللہ عَلَیْہِ وَ آلِہٖ وَسَلَّم  ) یعنی اے موسیٰ ! یہ تو میرے محبوب نبی حضرت اَحمدِ مجتبیٰ صلّی اللہ ُ عَلَیْہِ وَ آلِہٖ وَسَلَّم کی اُمّت ہے۔ حضرت موسیٰ عَلَیْہِ السَّلام    نے مزید عرض کیا : اے رَبِّ کریم ! میں تورات میں ایسی اُمَّت کا ذِکْر پڑھتا ہوں ، جو نیکی کا پختہ ارادہ کریں گے تو ان کے لئے ایک نیکی لکھ دی جائے گی اور جب وہ نیک کام کر لیں گے تو ان کے لئے 10 نیکیاں لکھی جائیں گے ، یااللہ پاک ! اسے میری اُمَّت بنا دے۔ اللہ پاک نے فرمایا : تِلْکَ اُمَّۃُ اَحْمَد  ( صلی اللہ عَلَیْہِ وَ آلِہٖ وَسَلَّم  ) یعنی اے موسیٰ ! یہ تو میرے محبوب نبی حضرت اَحمدِ مجتبیٰ صلّی اللہ ُ عَلَیْہِ وَ آلِہٖ وَسَلَّم کی اُمّت ہے۔

جب حضرت موسیٰ عَلَیْہِ السَّلام    نے اس اُمَّت کے اتنے سارے فضائل پڑھ لئے ، سُن لئے اور یہ جان لیا یہ اَحْمدِ مجتبیٰ ، مُحَمَّدِ مصطفےٰ صلّی اللہ ُ عَلَیْہِ وَ آلِہٖ وَسَلَّم کی اُمّت ہے تو آپ عَلَیْہِ السَّلام