تمہارے لئے بیان کردے اور تمہیں تم سے پہلے لوگوں کے طریقے بتادے اور تم پر اپنی رحمت سے رجوع فرمائے اور اللہ علم و حکمت والا ہے۔

عُلَماء فرماتے ہیں : اللہ پاک نے ارادہ فرمایا کہ  ( اس اُمَّت کو آخری اُمَّت بنا کر )  ان کے لئے قرآنِ کریم نازِل فرمائے اور اس ذریعے سے پہلے کے نیک لوگوں کے طَور طریقے ، ان کے انداز ، ان کی عادات و کردار ہم پر واضِح فرمادےتاکہ ہم نیک لوگوں کے رستے پر چلیں ، اس طرح ہم تَوبہ کریں اور اللہ پاک ہماری تَوبہ قبول فرما لے۔  ^{( [1] )}

پیارے اسلامی بھائیو ! اُمّتِ مسلمہ کو آخری اُمَّت کیوں بنایا گیا ، اس کی اور بھی بہت ساری حکمتیں ہیں ، ان میں سے چند ایک ہم نے سننے کی سَعَادت حاصِل کی ، کاش ! ہم ان حکمتوں کو سمجھنے کی کوشش کریں ، کاش ! اس ذریعے سے ہم اپنی اہمیت کو پہچان کر اس کے مطابق عمل کرنے والے بن جائیں۔ آمِیْن بِجَاہِ خَاتَمِ النَّبِیّٖن صلی اللہ عَلَیْہِ وَ آلِہٖ وَسَلَّم ۔

عمل کا ہو جذبہ عطا یاالٰہی                                                                                                                        گُناہوں سے مجھ کو بچا یاالٰہی

میں نیچی نگاہیں رکھوں کاش اکثر                                                                                           عطا کر دے شرم و حیا یاالٰہی

ہو اَخلاق اچّھا ہو کردار سُتھرا                                                                                                                مُجھے  متّقی   تُو   بنا   یاالٰہی ^{( [2] )}

صَلُّوا عَلَی الْحَبیب !                                                صَلَّی اللّٰہُ عَلٰی مُحَمَّد

جشنِ آزادی کیسے منائیں ؟

ابھی 3 دِن بعد یومِ آزادی ہے ، سب جانتے ہیں جشنِ آزادی پر ہمارے ہی مُعَاشرے