نے علمِ تَصوف سیکھا۔ ^{( [1] )}  ملتان جسے اب مَدِیْنَۃُ الْاَوْلِیَا کہا جاتا ہے ، ہمارے مُلْکِ عزیز پاکستان کا مشہور شہر ہے ، سندھ فتح ہونے سے پہلے یہ غیر مسلموں کا ایک اَہَم مرکز تھا ، جیسے آج ہم لوگ حج کرنے کے لئے مکہ مکرمہ جاتے ہیں ، غیر مسلم اپنے مذہبی تہوار ادا کرنے کےلئے ملتان آیا کرتے تھے لیکن جب محمد بن قاسِم رَحمۃُ اللہ عَلَیْہ  نے ملتان کو فتح کیا تو اس کے بعد مسلمانوں کے دورِ حکومت میں انداز کیا ہو گیا تھا ؟ تاریخ کی کتابوں میں لکھا ہے : ملتان میں عُلُومِ قرآن کی بہت رغبت تھی ، یہاں بڑے بڑے قارِی ہوا کرتے تھے ، ملتان کے بازاروں میں عورتیں نظر ہی نہیں آتی تھیں ، لوگ شراب اور بدکاری وغیرہ کا نام تک لینا پسند نہیں کرتے تھے ، تجارت کا انداز بدل گیا تھا ، خرید و فروخت میں جھوٹ بولنا ، ناپ تول میں کمی کرنا ، ہیرا پھیری کرنا یعنی دھوکہ دینا وغیرہ  یہ سب گُنَاہ نہ ہونے کے برابر تھے۔ ^{( [2] )}  

سُبْحٰنَ اللہ ! یہ ہے پہلے کے مسلمانوں کا پیارا اَخْلاق و کردار... ! ! یہ باکردار ، بااَخْلاق لوگ جس سرزمین پر قدم رکھتے تھے ، اس کی قسمت ہی سنوار دیا کرتے تھے ، وہاں سے گُنَاہ مٹ جاتے تھے ، مُعَاشرے سے بُرائیوں کا خاتمہ ہو جایا کرتا تھا اور گھر گھر میں نیکیوں کی بہار آجایا کرتی تھی۔

پاکستان اللہ پاک کی بڑی نعمت ہے

پیارے اسلامی بھائیو ! 3 دِن کے بعد 14 اگست ہے ، یہ اِنْ شَآءَ اللّٰهُ الْکَرِیْم ! پاکستان کی 76وِیں سالگرہ ہو گی ، اللہ پاک ہمارے وطنِ عزیز کو سلامت رکھے ، شاد و آباد رکھے ،