پیارے آقا ، مکی مدنی مصطفےٰ صلی اللہ عَلَیْہِ وَ آلِہٖ وَسَلَّم  نے کرم فرمایا ، خواب میں تشریف لائے اور شرکائے قافلہ کو دیدار کا جام پلا دیا * ہم مدنی قافلے میں سَفَر کریں ، کیا معلوم ہم پر بھی کرم ہو جائے۔ کم از کم ہر ماہ 3 دِن کے مدنی قافلے میں سَفَر کی نِیّت کر لیجئے ! بلکہ بہتر ہو گا کہ ابھی  نِیّت لکھوا دیجئے !

اے عاشقانِ رسول ! 14اگست کو سرکاری چھٹی ہوتی ہے ، آپ بھی ذہن بنائیے ، ہمت کیجئے ، 12- 13- 14 اگست 2023ء  ( ہفتہ ، اتوار ، پیر ) 3 دن مدنی قافلے میں سفرکی سَعادت نصیب ہو جائے ، حقیقی غُلامِ رسول بننے کے لئے ، تحریکِ آزادی میں شہید ہونے والے عاشقانِ رسول کے اِیصالِ ثواب کے لئے مدنی قافلوں میں سَفَر کیجئے اور آزادی کی نعمت کا شکر ادا کیجئے۔

صَلُّوا عَلَی الْحَبِیْب !                صَلَّی اللہ عَلٰی مُحَمَّد

دِل کی حالت تبدیل ہو گئی

فیصل آباد  ( پنجاب ، پاکستان )   کے ایک اسلامی بھائی کے بیان کا خُلاصہ ہے : دعوتِ اسلامی کے دینی ماحول  میں آنے سے پہلے میں بگڑے ہوئے کردار کا مالک تھا۔جھوٹ ، غیبت ، چغلی ، بدنگاہی جیسے گُنَاہ میرے معمول کا حِصّہ تھے ، میں نے مارشل آرٹ سیکھا ہوا تھا جس کے بَل پر لوگوں سے خواہ مخواہ جھگڑا مول لیتا ، ہر نئے فیشن ( Fashion )  کو اپنانا میرا شوق تھا ، آہ ! نمازوں سے اس قدر دوری تھی کہ مجھے یہ بھی معلوم نہ تھا کہ کس نماز کی کتنی رکعتیں ہوتی ہیں۔آخر رحمت کا دَر کھلا اور میری قسمت یوں چمکی کہ دعوتِ اسلامی کے دینی ماحول سے وابستہ ایک اسلامی بھائی نے مجھے مدنی قافلے میں سفر کرنے کی دعوت