یہ آزادی کی نعمت ملی تو کیا آپ جانتے ہیں حضرت موسیٰ عَلَیْہِ السَّلام نے یہ دِن کیسے منایا تھا ؟

  بخاری شریف کی روایت میں ہے : فِرْعَون 10 مُحَرَّم کو غرق ہوا ، اسی دِن بنی اسرائیل کو اس کافِر و سرکش کی غُلامی سے آزادی نصیب ہوئی ، چنانچہ اس شکرانے میں حضرت موسیٰ عَلَیْہِ السَّلام نے 10 مُحَرَّم کا روزہ رکھا۔ ^{( [1] )}    

سُبْحٰنَ اللہ !  یہ ہے جشنِ آزادی منانے کا اَصْل طریقۂ کار۔ اللہ پاک ہم سب کو ہدایت نصیب فرمائے ، شیطان کی غُلامی سے ، نَفْس کی غُلامی سے نجات عطا فرمائے۔ آمِیْن بِجَاہِ خَاتَمِ النَّبِیّٖن صلی اللہ عَلَیْہِ وَ آلِہٖ وَسَلَّم ۔

یاخُدا پاک وطن کی تُو حفاظت فرما                                                                  فضل کر اس پہ سدا سایۂ رحمت فرما

اس کو تُو قلعۂ اسلام بنا دے یارَبّ                                                      مرے پیارے وَطنِ پاک پہ رحمت فرما

آج ہے امن وطن کا مرے پارہ پارہ                                          پھر مہیا مرے مولٰی ! اسے راحت فرما

ہائے بدمست گناہوں میں ہوئے اہلِ وطن              یاخُدا سب کو عطا نیک ہدایت فرما

بچہ بچہ ہو نمازی مرے پاکستاں کا                                                             اور عطا جذبۂ پابندئ سُنت فرما

صَلُّوْا عَلَی الْحَبیب !                                                صَلَّی اللّٰہُ عَلٰی مُحَمَّد

12 دینی کاموں میں سے ایک دینی کام : مدنی قافلہ

پیارے اسلامی بھائیو !  الحمد للہ عاشقانِ رسول کی دینی تحریک دعوتِ اسلامی بھی جشنِ آزادی مناتی ہے مگر دعوتِ اسلامی کا انداز نِرالا ہے ، الحمد للہ ! جشنِ آزادی کے موقع پر مدنی قافلے سَفَر کرتے ہیں ، ہزاروں عاشقانِ رسول مدنی قافلوں میں سَفَر کر کے شہر شہر ، گاؤں گاؤں جا کر  نیکی کی دعوت دیتے ہیں اور برائی سے منع کرتے ہیں ، خود بھی نمازیں