کے دُنیا میں تشریف لانے کے لئے 3  لفظ ارشاد ہوئے :  ( 1 ) : جَاءَ  ( تشریف لائے )    ( 2 ) : اَرْسَلَ  ( بھیجا )    ( 3 ) : بَعَثَ  ( مبعوث کیا یعنی بھیجا )  ، غرض؛ قرآنِ کریم میں کسی جگہ بھی آپ صَلَّی اللہ عَلَیْہِ وَ آلِہٖ وَ سَلَّم کی تشریف آوری کے لئے خَلَق یا بَدَع  ( یعنی پیدا کرنا )  کا لفظ نہیں آیا ، اس میں بھی حکمت ہے ، وہ یہ کہ حُضُورِ انور صَلَّی اللہ عَلَیْہِ وَ آلِہٖ وَ سَلَّم رَبِّ کائنات کی اعلیٰ نعمت ہیں ، جو بطور تحفہ مخلوق کو دئیے گئے ہیں۔  ^{( [1] )}

دِل جگمگا رہے ہیں قسمت چمک اُٹھی ہے       پھیلا نیا اجالا صبحِ شبِ وِلادت

دِن پِھر گئے ہمارے ، سوتے نصیب جاگے             خورشید ہی وہ چمکا صبحِ شبِ وِلادت ^{( [2] )}

آپ صَلَّی اللہ عَلَیْہِ وَ آلِہٖ وَ سَلَّم کا دُنیا میں آنا ایسا ہے جیسے کسی حاکم کا ایک جگہ سے دوسری جگہ تبادلہ ( Transfer )  ہو کر آتا ہے ، اس کا مطلب یہ نہیں ہو گا کہ اس اَفْسَر کی تخلیق ہی اب ہوئی ہے ، بلکہ وہ موجود تو پہلے سے تھا ، اب صِرْف جگہ کی تبدیلی ہوئی ہے ، ایسے ہی اَوّل و آخر نبی ، رسولِ ہاشمی صَلَّی اللہ عَلَیْہِ وَ آلِہٖ وَ سَلَّم کے نُور مبارک کی تخلیق ساری مخلوق سے پہلے ہو چکی تھی ، دُنیا میں آنے سے پہلے آپ صَلَّی اللہ عَلَیْہِ وَ آلِہٖ وَ سَلَّم عالَمِ اَرْواح میں رسول تھے ، سارے نبیوں کو فیض دے رہے تھے ، گویا اس وقت آپ  صَلَّی اللہ عَلَیْہِ وَ آلِہٖ وَ سَلَّم عالَمِ اَرْواح میں رہ کر انبیائے کرام علیہمُ  السَّلام  کے واسطے سے دُنیا کو اپنے اَنْوار و تجلیات سے نواز رہے تھے ، اب آپ صَلَّی اللہ عَلَیْہِ وَ آلِہٖ وَ سَلَّم خُود دُنیا میں تشریف لے آئے اور بلا واسطہ دُنیا کو نوازنا شروع فرما دیا۔

امام بوصیری  رَحمۃُ اللہ عَلَیْہ فرماتے ہیں :

فَاِنَّہٗ شَمْسُ فَضْلٍ ہُمْ کَوَاکِبُہَا                                                                               یُظْہِرْنَ   اَنْوَارَہَا   لِلنَّاسِ   فِی   الظُّلَمٖ ^{( [3] )}

ترجمہ : یعنی پیارے آقا ، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم فضیلت کا سُورج ہیں ، باقی سارے