کے صدقے میں معاف فرما دے۔ اللہ پاک نے فرمایا: اے آدم! تم نے مُحَمَّد (صَلَّی اللہُ عَلَیْہِ وَ آلِہٖ وَ سَلَّم)کو کیسے پہچانا؟ حضرت آدم عَلَیْہِ السَّلام نے عرض کی: اے اللہ پاک! جب تو نے مجھے پیدا کر کے میرے اندر روح ڈالی اور میں نے اپنے سر کو اٹھایا تو میں نے عرش کے پایوں پر لَا اِلٰہَ اِلَّا اللہُ مُحَمَّدٌ رَّسُوْلُ اللہِ لکھا دیکھا،تو میں نے جان لیا کہ تو نے اپنے نام کے ساتھ اس کا نام ملایا ہے جو تجھے تمام مخلوق میں سب سے زیادہ محبوب ہے۔ اللہ پاک نے فرمایا: اے آدم! تو نے سچ کہا، بیشک وہ تمام مخلوق میں میری بارگاہ میں سب سے زیادہ محبوب ہے۔ تم اس کے وسیلے سے مجھ سے دعا کرو، میں تمہیں معاف کردوں گا اور اگر مُحَمَّد(صَلَّی اللہُ عَلَیْہِ وَ آلِہٖ وَ سَلَّم) نہ ہوتے تو میں تمہیں پیدا نہ کرتا۔^([1])

سُبْحٰنَ اللہ!اس سے معلوم ہوا؛ ہمارے آقا و مولیٰ، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم حضرت آدم عَلَیْہِ السَّلام  سے بھی اَفْضَل ہیں اور یہ بھی معلوم ہوا کہ رسولِ ذیشان، مکی مَدَنی سُلطان صَلَّی اللہُ عَلَیْہِ وَ آلِہٖ وَ سَلَّم کے وسیلے سے دُعا کرناحضرت آدم عَلَیْہِ السَّلام  کاطریقہ ہے۔^([2])

خدا نے اس قدر اُونچا کیا پایہ مُحَمَّد کا                                       نہ پہچانا کسی نے آج تک رُتبہ مُحَمَّد کا

سیہ کاروں کی کیا گنتی کہ دَرگاہِ الٰہی میں                                     وسیلہ ڈھونڈتے ہیں موسیٰ، مُحَمَّد کا

بلا وَصل نبی وَصل الٰہی غیر ممکن ہے                                  خدا کے گھر پہنچنے کو ہے دروازہ مُحَمَّد کا

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

حضرت آدم عَلَیْہِ السَّلام  کی نصیحت

حضرت کعبُ الاحبار رَحمۃُ اللہِ عَلَیْہ جو تابعی بزرگ ہیں، بہت بڑے عالِم تھے، آپ فرماتے