سرزد ہوگیا،وہ بے حد نادِم ہوا اور بے قرار ہوکر اِدھر سے اُدھر بھاگنے لگا کہ کسی طرح اُس کا گناہ مُعاف ہوجائے اور پَروَردگار راضی ہوجائے اللہ پاک کی بارگاہِ رحمت میں  اُس کی بےقراری اور شرمندگی کو قبول کیا گیا اور اللہ پاک نے اُس کو ولایت کے اعلیٰ ترین رُتبے صِدِّیْقِیّت سے نواز دیا۔^([1])

عمر بدیوں میں ساری گزاری                                                                   ہائے! پھر بھی نہیں شرمساری

بخش محبوب کا واسطہ ہے                                                                                  یاخُدا!   تجھ   سے   میری   دُعا   ہے^([2])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

(4):تَوبَہ کی طرف بڑھ جائیے!

پیارے اسلامی بھائیو! چوتھی اچھی عادَت جو حضرت آدم عَلَیْہِ السَّلام  کے کردار سے سیکھنے کو ملی، وہ ہے: توبہ میں جلدی کرنا۔ بہت ہی اَہَم بات ہے، ہم جتنی جلدی توبہ کی طرف بڑھ جائیں گے، اتنا ہی ہمارا بھلا ہے، اگر توبہ میں ٹال مٹول کرتے رہے، آج کل، آج کل کرتے رہے، رمضان المبارک میں توبہ کر لُوں گا، بُڑھاپے میں توبہ کر لُوں گا، پرسوں کو کر لُوں گا، ایسے کرتے رہے تو سخت نقصان میں بھی پھنس سکتے ہیں، حدیثِ پاک میں ہے، رسولِ ذیشان صَلَّی اللہُ عَلَیْہِ وَ آلِہٖ وَ سَلَّم نے فرمایا: هَلَكَ ‌الْمُسَوِّفُونَ یعنی ہلاک ہو گئے وہ لوگ جو توبہ میں ٹال مٹول کرتے رہتے ہیں۔^([3])