روزِ قیامت میزان و پُل پر                                                                               دے گا سہارا نامِ مُحَمَّد

اپنے رضا کے قربان جاؤں                                                                    جس    نے    سکھایا    نامِ    مُحَمَّد^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

انسان اور شیطان کا فرق

پیارے اسلامی بھائیو! ہم نے سُنا کہ حضرت آدم عَلَیْہِ السَّلام  زمین تشریف لائے، آپ اپنی بُھول پر آنسو بہاتے رہے، آخر رَبِّ کریم نے آپ کی توبہ قبول فرمائی اور آپ کو تاجِ خِلافت عطا فرمایا۔ اس جگہ عُلَمائے کرام نے ہمارے سیکھنے کی بہت اَہَم باتیں بیان کی ہیں، عُلَما فرماتے ہیں: دیکھئے! معاملے 2 ہوئے (1):شیطان کو حکم ہوا: سجدہ کرو! شیطان اکڑ گیا اور  سجدہ نہ کیا  (2):حضرت آدم عَلَیْہِ السَّلام   کو حکم ہوا:

وَ لَا تَقْرَبَا هٰذِهِ الشَّجَرَةَ (پارہ:1، البقرۃ:35)

ترجمہ کنزُ العِرفان: اس درخت کے قریب نہ جانا۔

آپ عَلَیْہِ السَّلام  سے بُھول ہو گئی۔ یعنی جو کہا گیا تھا، اس پر عمل دونوں جانِب سے نہیں ہوا لیکن ہم جب ان دونوں معاملات کے نتائج کو دیکھتے ہیں تو وہ دونوں ہی مختلف ہیں، شیطان نے سجدہ نہ کیا، اس کے گلے میں ہمیشہ کے لئے لعنت کا طوق ڈال دیا گیا۔ حضرت آدم عَلَیْہِ السَّلام  نے جنّتی پھل کھا لیا تو آپ کو تاجِ خِلافت پہنا کر زمین پر بھیج دیا گیا۔

آخر فرق کیا ہے؟ شیطان نے نافرمانی کی تو لعنت کا طَوق پہنا دیا گیا، حضرت آدم عَلَیْہِ السَّلام  سے بُھول ہوئی تو تاجِ خِلافت دے دیا گیا۔اس میں کیاراز ہے؟ عُلَمائے کرام رحمۃُ اللہِ علیہم