اللہ پاک کی بارگاہ میں قُبُول ہو جائے گا۔

محبت میں اپنی گُما یاالٰہی!                                                                                                   نہ پاؤں میں اپنا پتا یاالٰہی!

مِرا ہر عمل بس ترے واسطے ہو                                                          کر اِخلاص ایسا عطا یاالٰہی!

عبادت میں گزرے مری زندگانی                                               کرم            ہو          کرم           یاخدا!           یاالٰہی!^([1])

(2):دوسری کیفیت: اِخْلاص

پیارے اسلامی بھائیو! قُربانی کرتے وقت دوسری کیفیت جو ہمارے دِل میں ہونی چاہئے، وہ اِخْلاص ہے۔ پیارے نبی، رسولِ ہاشمی صَلَّی اللہُ علیہ وَآلہٖ و سَلَّم نے فرمایا: مَنْ ضَحّٰی طِیْبَۃً نَفْسَہٗ مُحْتَسِبًا لِاُضْحِیَتِہٖ کَانَت لَہٗ حِجَابًا مِّنَ النَّارِ جِس نے خُوش دِلی سے اور خالِصْ الله پاک کی رِضا کے لئے قُربانی کی، اس کی قُربانی اس کے لئے جہنّم سے رُکاوٹ بن جائے گی۔^([2])

سُبْحٰنَ اللہ! یہاں دیکھئے! جس کیفیت کی طرف ہماری تَوَجُّہ دِلائی جا رہی ہے، مُحْتَسِبًا یعنی خالِص اللہ پاک کی رِضا مَقصُود ہو۔ اس کے عِلاوہ ہم کچھ نہ چاہتے ہوں * نہ دُنیا کی شہرت * نہ اپنی واہ وا * نہ کوئی تعریف * نہ خُود پسندی، کچھ نہیں، بس ایک ہی مَقْصَد ہو، میں قربانی کر رہا ہوں، کاش! اس کے صدقے مجھے رَبّ کی رِضا نصیب ہو جائے۔

حضرت اِبْراہیم عَلَیْہ السَّلام کی مُقَدَّس کیفیت

اللہ پاک کے نبی حضرت ابراہیم عَلَیْہ السَّلام جن کی یاد میں ہم قُربانیاں کرتے ہیں،